FOURTEENTH

"BOO! TALO KA ULIT!"

Napakamot sa kanyang ulo si Tracy habang tinitingnan at inaalala kung ilang beses na siyang na-check mate. Day off ni Rajiv nang araw na iyon at nagkasundo silang maglaro ng chess matapos mag-breakfast bilang pampalipas ng oras.

Higit dalawang linggo na rin yata ang nakararaan mula nang maging ayos sila at nangyari iyon matapos siya nitong batiin ng happy birthday.

Hindi lang sampung beses na siyang natalo nito at kahit isang beses ay hindi man lang sya nanalo.

"Sabi na masyado kang magaling! Sabi mo hindi ka kagalingan dito?" Tumawalang ito, nag-isip naman siya sandali. "Dare nalang ulit."

Truth or dare kasi ang pagpipilian ng natalo at palaging dare ang sagot niya. Napasayaw na siya nito, napakanta, pinagtimpla ng kape, pinaakyat-baba sa hagdan, at kung anu-ano pa. Mas kakayanin nya ang mga iyon dahil baka mamaya ay kung ano pa ang itanong nito sakanya.

"Bakit ayaw mo ng truth?"

"Ako namimili dito. Gusto ko ng truth e."

"Okay fine." Uminom ito sa kapeng itinimp