Chapter 17.2

Nasa ganuon siyang posisyon nang makarinig siya ng katok sa kaniyang pinto. Ilang minuto na rin ang nakalipas ng umalis ang lalaking iyon. Tatayo na nga sana siya upang buksan iyon dahil baka si Lily iyon ngunit bigla na lamang iyong bumukas at iniluwa si Maam Minerva na halatang nakatulog na pero nagising.

Nagulat siya dahil hindi niya ito inaasahang pupunta sa silid niya ng ganuon oras. Idagdag pa na halata naman ritong nakatulog na pero tila naistorbo. Medyo nakakunot ang noo nito at magkasalubong ang mga kilay. Hindi niya tuloy maisip kung good mood ba ito pero mukhang hindi.

“Maam gabi na po, bakit—--”

“Serene totoo ba ang sumbong sa akin ni Luther na nagpapadala daw siya sayo ng pagkain pero ayaw mo?” nakakunot ang noo nito.

Medyo magkadikit na nga rin ang kilay nito ng mga oras na iyon. Hindi siya nakaimik dahil sa tanong nito at halos hindi rin siya maksagot dahil wala siyang maapuhap na isasagot rito, idagdag pa na hindi niya inaakalang tototohanin pala nito ang gagawin niton