HSL 3

Still 4 years ago...

HER POV

"Daisy, ito na ang notebook mo, oh, tapos na, naggawan ko na rin ng iba pang examples para pang review mo, kung may kailangan ka pa, sabihin mo lang, ah," turan pa ni Lando sa kanya nang nasa cafeteria na silang dalawa ni Cristy at iba pa nilang mga kaibigan nananghalian sa pinakadulong lamesa.

"Woowwwww.... kaswerte muna naman Daisy may taga gawa ng homeworks mo, hoy, Lando puwede ako rin, hehehe...," anya ni Jessa, ang matabil niyang kaklase.

"Sige na Lando, maraming salamat, makakaalis ka na, kakain pa kasi kami ng mga kaklase ko," simpleng pagtataboy niya sa binata dahil hindi niya talaga masikmura ang kabaduyan nito baka kasi tuksuhin pa lalo siya ng mga sosyal niya ring mga kaklase.

"Sige Daisy, mauuna na ako," paalam pa nito at hahakbang na sana patalikod sa kanila ngunit napatigil ito ng magsalita si Cristy.

"Hoy, Lando, huwag ka munang umalis, sabayan muna kaming kumain, ako bahala sa iyo, ililibre kita dahil tinulungan mo itong beshy ko sa homework niya, right, Daisy?," giit pa ni Cristy na wala na siyang naggawa dahil tumayo na ito sa kinauupuan nito at pinatabi nito si Lando sa kanya.

"O diyan ka muna Lando, oorder muna ako ng makakain para sa iyo, may sasabihin daw si Serene sa iyo, Lando, right Daisy?," loka-lokang hirit pa nito bago naglakad patungo sa counter upang umorder ng lunch ni Lando.

"Ha, eh.... wala, iyon, Lando, huwag mong intindihin si Cristy, ah...ehhhh...," bungat niya pa.

"Oi, Daisy, kausapin muna man si Lando, Landzzz—-okay ka lang, ang tahimik muna naman, puwede ba sa susunod kami naman turuan mo sa Algebra, ang suwerte naman si Daisy palaging perfect sa mga homeworks niya," komento pa ni Kelly, isa din sa mga kaklase niyang pareho niyang anak mayaman.

"Hoy,Lando, isali mo rin ako, ha?," hindi naman nagpatalo si Jessa at nakisali na rin kaya't mas lalong umahon ang inis niya.

"Ano ba kayo girls, ano na lang isipin ni Lando sa inyo na sinasamantala ninyo siya," awat niya.

"Okay lang iyon, Daisy, mga kaibigan mo rin sila, sige ba, sabihan n'yo lang ako basta ba bakante lang ako, hehehe," ganti naman ni Lando na malapad ang ngiti na halos kita na ang mga malalaki nitong mga ngipin sa harap.

"Oooops, ano na ang pinag-uusapan ninyo?sali naman ako!!! Oh, eto na lunch mo Lando courtesy of your Daisy," anas pa ni Cristy na nasa harapan na nilang may dalang tray ng pagkain at canned juice para kay Lando.

"Salamat, Cris," ngiting pasalamat ni Lando.

Umupo naman si Cristy paharap sa kanila ni Lando. Halos magkakadikit na ang tatlo sa harap nila. Para talagang sinasadya ng mga ito na paglapitin sila ni Lando.

Biglang nagtitigan ang mga kaibigan niya at tumingin sa kanilang dalawa ni Lando.Sa tingin niya ay may pinaplano itong hindi maganda.Bago pa man siya makapagsalita ay binasag na ni Jessa ang katahimikan sa kanilang lahat.

"I am full na, girls, punta muna ako ng banyo, alamz na call of nature," katwiran pa nito.

"Sama ako sa iyo, Jes," sabi din ni Kelly.

"Me too, pasama din, kanina pa ako naiihi, eh," alibi din ni Cristy.

"Let's go, ah Daisy, Lando, mauuna muna kami sa inyo, enjoy your meal, balik lang din kami agad, ha?!," pinal na sabi ni Jessa na pinatayo na ang nasa unahan nito upang makaalis na.