CHAPTER 3

Tanghali na. Sabi ni Manang, may board meeting si Kael ng 10 AM sa Montenegro Corp tapos may site visit pa siya, kaya akala ko wala na siya sa mansion.

Nasa mini-office niya ako sa loob ng mansion, naglilinis ako ng mesa niya. Tambak iyong mga folders niya, bukas pa ang laptop niya na may mga graph ng project na ₱500M daw, at sa sahig ay may palanggana na may tubig at sabon kasi nagmo-mop ako.

Nakayuko ako, pawis na ako, at pinupunasan ko ang gilid ng table nang biglang bumukas ang p***o nang malakas.

“Slave, nasaan iyong black folder ko? Iyong para sa 2 PM client meeting?” boses ni Kael na hingal at halatang kakadating lang.

Paglingon ko, si Kael. Naka-white polo na naka-roll up ang sleeve hanggang siko, pawis ang noo niya, may alikabok pa ang pantalon niya galing sa construction site, at hawak niya ang phone niya.

“Andyan ka pa pala,” sabi niya habang nakakunot-noo at lumapit sa mesa, nakatingin sa mga folder.

“Naglinis po ako, sabi ni Manang po,” sagot ko na tumayo nang tuwid habang hawak ko pa iyong basahan. Kinabahan ako.

Tinitigan niya ako. Walang hiya talaga ang lalaking ito. Tiningnan niya ako mula ulo hanggang paa, tapos napatingin siya sa kamay ko na may hawak na basahan. “You touched my files again?” tanong niya na seryoso ang mukha pero lumapit pa habang kausap ako.

“Inayos ko lang po kasi magulo na po, Sir,” sagot ko na napaatras ako nang kaunti kasi sobrang lapit na niya at naamoy ko na ang pawis niya na halong pabango. Para akong matawa dahil may Sir at Kael ang tinatawag ko sa kanya.

Lumapit pa siya ng isang hakbang hanggang sa nasa likod ko na ang table. “I told you, don't touch my work files without permission, Eliana,” sabi niya na mahina pero mariin ang boses habang nakatitig diretso sa mata ko.

“Sorry po,” sagot ko na nakayuko at namumula.

Bigla niyang nakita ang black folder na nasa tabi ng palanggana, sa may paanan ko. “Ayan pala,” sabi niya habang yumuko para kunin iyon.

At doon nangyari ang katangahan.

Imbes na kunin lang ang folder, bigla niyang hinawakan ang kamay ko para hilahin ako palayo sa palanggana. “Diyan ka, mababasa ka,” sabi niya habang mahigpit ang hawak niya sa kamay ko.

Napatingin ako agad sa kamay namin, nanlaki ang mata ko at namula ang buong mukha ko. “Kael! Ano ba! Bitawan mo nga ang kamay ko!” sigaw ko nang malakas habang hinihila ko ang kamay ko pabalik.

Nagulat si Kael sa sigaw ko, kaya bigla niya akong binitawan nang mabilis. “O-Okay, sorry!” sabi niya na nataranta at itinaas niya agad ang dalawang kamay niya.

Kaso iyong pagbitaw niya, sobrang lakas, at iyong paghila ko pabalik, nawalan ako ng balanse!

“Aah!” sigaw ko habang paatras ako.

PLAG!

Diretso ang pwet ko sa loob ng palanggana na may tubig at sabon!

Basa lahat! Iyong uniform ko, iyong sahig, pati iyong medyas ko. Nakaupo ako sa loob ng palanggana na parang bata na naliligo.

Tahimik.

Si Kael ay nakatayo, nanlaki ang mata, nakabuka ang bibig, hawak pa rin ang black folder.

Tapos...

“PFFT— HAHAHAHAHA!”

Humagalpak siya ng tawa habang hawak ang tiyan niya, iyong mukha niya pulang-pula sa pagpipigil pero hindi na napigilan. “Oh my God, Eliana! Anong ginagawa mo diyan?” sabi niya habang tawa nang tawa.

“Kael Montenegro! Kasalanan mo ito! Hinawakan mo kasi ang kamay ko bigla-bigla!” sigaw ko habang basang-basa ako, nakasimangot, pero tumutulo ang tubig sa mukha ko.

“Sorry! Sorry! Hindi ko sinasadya! Tinulungan lang kita!” sabi niya habang pinipilit niyang tumigil tumawa pero natatawa pa rin. Lumapit siya pero hindi na niya ako hinawakan. “Okay ka lang ba? Hindi ka nasaktan?” tanong niya habang nag-aalala ang mukha pero natatawa pa rin ang mata.

Tumayo ako mula sa palanggana, tumutulo ang tubig. “Tingnan mo oh! Basang-basa ako! Ang lamig!” sabi ko na nanginginig at pinipiga ang uniform ko.

Bigla siyang naging seryoso at kumuha ng tuwalya sa may sofa. “Here,” sabi niya habang inabot niya sa akin ang tuwalya pero hindi niya hinawakan ang kamay ko. Nilagay niya lang iyon sa may upuan para ako ang kumuha. “Ikaw na kumuha. Baka sabihin mo hinawakan na naman kita.”

Kinuha ko ang tuwalya at nagpunas. “Bastos ka talaga!” sabi ko na nakasimangot pero hindi ko mapigilang matawa rin sa itsura ko.

“At ikaw, ang clumsy mo,” sagot niya na nakangiti na ulit at nakatingin sa basang sahig. “My office binaha dahil sa iyo, Slave.”

“E di linisin mo! Work mo naman ito, e!” sagot ko na hinagisan siya ng basang basahan.

Nasalo niya iyon at mas lalo siyang natawa. “HR violation iyan. I'm your boss, remember? CEO ako.”

“E di i-fire mo ako! Para makauwi na ako!” sagot ko na natatawa na rin habang nanginginig sa lamig.

Biglang tumunog ang phone niya.

“Sir Kael, nasa baba na po iyong client for ₱500M project,” boses ni Sebastian sa phone.

“Sige, baba na ako. Pa-resched ng 10 minutes, may binaha kasi sa office ko,” sagot niya habang nakatingin sa akin at pinipigilan ulit ang tawa.

Pagbaba niya ng phone, lumingon siya sa akin. Iyong mata niya ay nakatitig sa akin habang basa pa ang buhok niya at nakangiti.

“You're interesting ka pala, Eliana. Kahit palpak ka mag-mop, cute ka pa rin pag basang sisiw,” sabi niya na mahina ang boses.

Pero ang mata niya ay nakatitig sa dibdib ko. Bigla kong tinakpan iyon gamit ang dalawang kamay ko kasi basa nga ang damit ko.

“Umalis ka na nga! Magwo-work ka pa, di ba!” sigaw ko na namumula at tinulak siya palabas ng p***o gamit ang tuwalya.

At pagkasara ng p***o, naiwan akong basang-basa sa gitna ng office niya na may palanggana, pero ewan ko ba, hindi ako inis. Natatawa na lang ako sa katangahan namin.

Samantalang si Kael sa labas ng p***o, nakasandal siya, hawak pa rin ang black folder, at nakangiti mag-isa.

“Mukhang masaya ang work from home ko simula ngayon,” bulong niya.