HARA CHAPTER 24

Sa kalaliman ng tulog ni Hara ay naririnig niya ang palahaw na iyak ng lola at mama niya. Gusto niya silang abutin ngunit tila kay layo nila. 

"Hanapin n'yo si Hara! Ang alam ko nandito ang anak ni Fernando!" utos ng lalaking humalik sa mama niya. "Ikaw, itali mo ang dalawang iyan! Iyang tatanga-tangang katulong sa hadanan, sipain mo pababa nang hindi iyan nakabalandra iyan." Narinig ni Hara na sabi ulit ng lalaki sa inutusang kasama nito.

Sinilip ni Hara ang mga kriminal sa sala. Ang isa ay paakyat na sa ikalawang palapag kung saan siya naroroon. Sinipa pababa ng lalaking nakamaskara ang patay ng katulong nila. Patuloy ang sigaw ng mama at lola niya na nakikita niyang pinapalo ng latigo ng lider ng grupo at ng isa pang lalaking nakamaskara. Duguan na ang buong katawan ng mga ito.

Impit na umiiyak si Hara. Gustong sumigaw ng dalaga ngunit nanginginig siya sa takot. Nakikita niyang hirap na hirap na ang mama at lola