Chapter 18

Nagising ako nang marinig ko ang pagbukas ng gate namin. Sinubukan kong tumayo ngunit nakaramdam ako kirot kaya napahiga ulit ako sa aking higaan. Mayamaya pa ay sinubukan ko ulit na tumayo ng dahan-dahan.

 Nakatayo na ako at unting-unti naglalakad ako papunta sa direksyon ng pintuan. Nang makarating naman ako sa tapat ng pintuan ng kwarto ko ay dinikit ko ang tainga ko dito at pinakinggan kung sino man ang dumating.

"Upo ka muna Zale... Nagpapahinga pa ata si Ava..." iyon lamang ang aking narinig na sinabi ni mama. Alam ko na agad na nandito si Zale dahil sa nasambit ito ni mama. Pinakinggan ko ulit ito at narinig ko namang nagsalita ulit si mama. "Sandali lamang Harris at Zale at maghahanda lang ako ng inumin," doon ko na nalaman na hindi pa rin pala nauwi si Harris. Napasampal naman ako sa aking noo dahil paniguradong nanlilisik na naman ang mga mata ng dalawang iyon habang nakatingin sa isa't isa.

"Salamat po,"