Chapter 24

Lumipas pa ang ilang mga araw at naging sobrang masaya ako. Araw-araw ay ginaganahan akong pumasok dahil makikita ko si Harris, at madaling mag aral dahil wala na rin akong problema. Palagi lang kaming nagtatawanan nila Harris, Jade and Vie. Kung nawala si Misty ay si Harris naman ang pumalit bilang bagong myembro ng pagkakaibigan namin. 

Sa paglipas din ng mga araw ay unti-unting nakilala ko pa si Harris. Mas makulit at mas clingy pa pala ito kaysa sa inaasahan ko. Minsan ay may pagka seloso rin ito kaya hindi na ako masyadong nakikipaghalubilo sa iba pang lalaking estudyante para walang gulo.

Halos araw-araw din ay nasa bahay siya dahil gustong gusto ng mama ko na nandoon siya. Palagi silang nag-uusap, lalo na't madaming alam si Harris sa mga bulaklak at ang nanay ko naman ay mahilig sa mga bulaklak. 

Samantalang napag-uusapan na rin namin ni Harris ang pagpapakilala niya sa akin sa pamilya niya. Higit isang