HT - 5

"Hi, babe!" 

Ang aga niya ngayon. Alam kong bawal ma-late sa entrance examination pero sobrang aga naman niya. 

"Good morning," tipid na bati ko sa kanya. 

Nilagay ko sa tabi niya ang bagpack kong kulay pink, "kumain ka na, Xerxes?" pagtatanong ko sa kanya at nilahad ang aking kanang kamay. 

"Mm-hmm... But, I want to see you eating, babe." anito sa akin at nakita kong may ngisi sa kanyang labi.

"Ang pilyo mo na naman, Xerxes! Kumain na tayo baka mahuli tayo mamaya!" saway ko sa kanya at kinurot ang kanyang tagiliran.

Pasaway naman kasi. 

Sumakay na lang kami ng jeep papunta sa Carter's University, malapit lang naman ito sa subdivision kung saan kami naninirahan. 

"Sana makapasa ako, Xerxes. Kinakabahan tuloy ako." mahinang sabi ko sa kanya at kiniskis ang magkabila kong kamay para mawala ang aking kaba. 

Hinawakan ni Xerxes ang aking kamay, pinatigil niya ito sa pagkiskis at dinala sa kanyang labi. "Papasa tayong dalawa, okay? Makakapasa ka," paniniguradong sabi niya sa akin. 

Napaka-optimistic talaga niya mag-isip. Hindi siya nawawalan ng pag-asa sa akin.

"Si Edel ba iyon, Xerxes?" aniya ko sa kanya at tinuro ang babaeng naka-pink jacket, nakalugay ang buhok niya at nagbabasa siya ng libro habang naglalakad. 

Nakalapat ang aking kanang pisngi sa kanyang kaliwang braso habang tinuturo ko pa rin niyong babae. Puro kasi siya nasaan, 'di raw niya makita. Malabo talaga ang mata niya.

"Ayon, oh! Iyong nasa bandang kanan natin!" naiinis na turan ko sa kanya. Hindi pa rin niya kasi makita. "Nakita mo na ba?" Tumango siya sa akin. "Dito rin pala siya, ano? Ano kaya kursong kukunin niya?" pagtatanong ko sa kanya habang nakatingin pa rin kay Edel. 

Ang sipag talaga niya. Sana naging matalino rin ako katulad niya.

Nakarating kami ni Xerxes sa room na naka-assign sa amin, lalo tuloy dumoble ang kabang nararamdaman ko kahit malamig dito sa room, nag-uumpisa ng mamawis ang aking kili-kili at aking noo. 

Kaya ko 'to! 

Nag-umpisa na ang aming pagsusulit. Wish me luck!

FIVE HOURS, tapos na ang examination namin na nakakadugo. Sinabihan kami ng instructor namin na makakatanggap kami ng email from the University kung nakapasa kami sa entrance examination, isang araw lang daw iyon para malaman namin. 

Sobrang nahirapan ako sa logic, nakakahilo. Sinulyapan ko si Xerxes, wala akong nakitang bakas na nahirapan siya sa mga tanong. Genius kasi ang malabong matang ito. 

"Are you hungry, babe? Kain tayo, saan mo gusto?" sulpot na tanong niya sa akin. Hindi ko namalayang nakarating na pala siya sa harapan ko. 

Tumango ako ng dalawang beses sa kanya. Nagutom ako dahil sa mga tanong. "Kahit saan basta mabubusog ako, Xerxes!" aniya ko rito at nagpa-cute. Narinig ko naman siyang tumawa nang mahina. 

"Mom, I passed the entrace examination at Carter's University! Tignan niyo po!" masayang pagbabalita ko kay mom! 

Pinakita ko sa kanya ang cellphone na hawak ko, at tinuro ang surname namin: Roxas, Alistair. Bachelor Secondary Education. 

"Congratulations, princess! Tatawagan ko agad ang daddy mo, ibabalita ko ang tungkol dito!" masayang sabi niya sa akin at kinurot pa ang aking kanang pisngi. 

"Mom, lalabas lang po ako, ha? Ibabalita ko kay Xerxes tungkol po rito baka 'di na naman tumitingin sa email ang isang iyon!" paalam ko kay mommy na abala na sa pakikipag-usap sa telepono. 

Hindi ko na siya nahintay na sumagot at lumabas na ako sa bahay namin. Dalawang bahay ang pagitan ng kanilang bahay sa amin. 

Nang nasa tapat na ako ng kanilang gate, dalawang beses ako nag-door bell at may nagbukas agad sa akin, ang matagal na nilang kasambahay. 

"Good morning, Ali." bati niya sa akin at sinabing nasa likod ng bahay nila si Xerxes. 

Dumiretso ako roon, natanaw ko siyang nakaupo sa hammock nila habang may bitbit na gitara. 

"Xerxes," tawag ko sa kanyang pangalan. Lumingon siya sa akin at sumilay ang matamis niyang ngiti. 

"Nakapasa ako!" masayang balita ko sa kanya at nilabas ko ang aking cellphone, pinakita sa kanya ang pangalan ko at ang pangalan niya. "Hindi mo pa siguro alam, ano? Ikaw talaga kahit kailan 'di ka nagbubukas ng email. Aish, Xerxes!" 

"I told you, you will pass, babe." he said and grinned at me.

"Carter's University! Here we go! Yehey!" I said happily and I giggled. 

Tumabi ako sa kanyang inuupuan, kinuha niya sa akin ang cellphone na dala ko. "Sino hahanapin mo?" I asked habang inuugoy ang duyan na ito. 

"Edel," 

Napatigil ako sa pag-ugoy ng sabihin niya iyon. "Ah," tipid na sabi ko sa kanya.

Bakit kailangan niya hanapin ang pangalan ni Edel, panigurado namang pasado siya. Sa talino na isang iyon. 

Tahimik lang akong nagmamasid sa kanya habang hinahanap niya ang buong pangalan ni Villanueva, Edel. 

"She passed." mahinang sabi niya habang nakaturo roon sa pangalan ni Edel. 

Hindi ako umimik sa kanyang sinabi pero napatanga ako ng makita ang kursong kinuha ng babae.

"Education course rin kinuha niya?" bulalas na tanong ko sa kanya at tanging tango lamang niya ang aking natanggap. 

We both took the same course. Pareho kaya kami ng major na kinuha rin? 

Napakapit ako sa gilid ng hammock ng maramdaman kong kumirot ang aking kanang dibdib. Ito na naman siya. Huminga ako nang malalim, pa-simple kong tinignan si Xerxes nasa cellphone ko pa rin ang kanyang tingin. Mahina kong tinapik ang aking dibdib pero hindi pa rin nawawala ang pagkakirot nito. 

Tumayo ako sa duyang inuupuan namin. "Akin na iyong phone ko, Xerxes..." Nakalahad na ang aking kanang kamay sa harapan niya. 

"Are you coming home, babe? Mag-stay ka muna rito saglit." Umiling ako sa kanyang sinabi. 

"M-may gagawin pa pala ako, Xerxes." Pinipilit kong hindi umaray dahil sa nararamdaman ko. Nakakapit na ako sa gilid ng aking suot pambaba dahil tumitindi ang pagkirot nito. 

"Are you okay? You look pale..." nag-aalala niyang tanong sa akin at tumayo siya sa duyan. 

"Y-yes, Xerxes! I'm okay! Give me my phone!" Nakailang lunok na ako para maitago ang sakit na nararamdaman ko. 

Nakatingin lang siya sa akin kaya ako na mismo ang umagaw sa cellphone ko sa kamay niya. 

"Got to go, Xerxes! Maya na lang ulit." Ngiting sabi ko sa kanya at lumabas na sa gate nila. 

Pagkarating ko sa bahay, nakita ko si mommy na nagdidilig ng mga bulaklak na tanim niya. 

"Mommy, it hurts again..." nanginginig na tawag ko sa kanya at bigla na lang dumilim ang aking paligid.