Chapter 005

“Don’t you dare lay a hand on my secretary, Henry. Mahiya ka naman. Kalalaki mong tao, nananakit ka ng babae at sa harapan pa ng maraming tao?” wika ni Sire sa mabigat na boses. Inis na binawi ni Henry ang kanyang kamay at nagsukatan sila ng tingin.

Naisipan namang sumingit ng ina namin ni Elaine. Si Emeline.

“Tama na iyan. Narito tayo para magdiwang, hindi para mag-away-away,” aniya.

“Yes, I agree with you, Ma. Tonight is a celebration. At nag-abala akong dumalo rito to show my support for my ex-husband’s first baby shower… with my younger sister, the one he cheated on me with,” anunsiyo ko.

Magsasalita sana si Mama para sawayin ako pero itinaas ko na agad ang kamay ko.

“No need na patigilin mo ako, Ma. Hindi na ako magsasalita,” saad ko, inunahan ko na siya.

“Where’s my table? Can we go to the same table?” tanong ko sa usherette, sabay turo kay Sire dahil gusto kong sa iisang mesa lang kami umupo.

Naisipan ko nang iwan sila. Sumunod kami ni Sire sa usherette. Doon kami pinaupo sa pinakadulong mesa, malayo sa ibang mga bisita. Pinaghilahan ako ng upuan ni Sire at nagpasalamat naman ako sa kanya.

“May tapang ka rin pala. Sana sinampal mo na ang kapatid mo noong una ka niyang ininsulto,” baritonong wika ni Sire matapos maupo sa tabi ko.

Napatitig ako sa dalawa. Balik na sila sa pag-entertain ng mga bisita, pero halata pa rin na hindi pa sila tuluyang nakaka-move on sa confrontation kanina. Pansin kong parang napipilitan na lang silang ngumiti at magkunwaring masaya dahil sa pag-eksena at pagdating ko.

Hindi ko napigilan ang mapangiti sa isipan ko. Ang sarap pala nilang inisin. Habang seryoso ko silang tinititigan, mas lalong namumuo ang galit sa puso ko. Naitutok ko pa nga ang tingin ko kina Mama. Talagang si Elaine lang ang mahalaga sa kanila.

“Ilang beses na akong nakasampal kay Elaine. Kaso kahit siya ang may kasalanan kung bakit ko siya nasaktan, siya pa rin ang kinampihan ng parents ko. Siya pa rin ang kinampihan ng mga kakilala ni Henry. Tingnan mo ang mga bisita,” sabay libot ng paningin ko. “Mas sinusuportahan pa nila ang kataksilan ng asawa ko kaysa magbigay ng simpatiya sa akin,” dagdag ko pa bago sumimsim ng wine.

Pagkababa ko ng baso, palihim kong naikuyom ang kamao ko. Medyo nanginginig iyon dahil sa gigil ko sa kanila. Sa tuwing nakikita ko ang pagmumukha nina Henry at Elaine, bumabalik na naman ang alaala kung paano nila akong ginawang tanga at ginawang uto-uto.

Imagine. I trusted Henry too much. Labis kong pinagkatiwala sa kanya ang kapatid ko dahil akala ko, kapatid rin ang turing niya rito. Pero tinatrabaho niya pala ito nang palihim. At itong kapatid ko naman ay ang landi-landi. Ang kapal ng mukha. Dahil kahit ako na nga ang nagpaaral sa kanya mula senior high hanggang college, ako ang gumagastos sa lahat, sa tuition f*e niya, sa mga luho niya ay nagawa pa rin niya akong pagtaksilan. Nakipagrelasyon siya sa asawa ko nang walang pag-aalinlangan.

Napakasakit. Napakabigat. Hanggang ngayon, parang dinadaganan pa rin ng malaking bato ang dibdib ko.

Marahas akong bumuga ng hangin at napatingala. God... parang hinahati pa rin ang puso ko sa hapdi. Hanggang ngayon, hindi ko pa rin lubos na matanggap ang pagtataksil na ginawa nila sa akin.

Napalingon ako kay Sire. His eyes were locked on the same spot as mine, but his hand remained wrapped gently around my trembling fist na nakapatong sa hita ko.

Medyo kumalma ako kahit papaano noong naramdaman ko ang init ng palad niya. Alam kong kahit hindi siya nagsasalita, kahit hindi siya nakatingin sa akin, ramdam ko ang pag-aalala niya. Ramdam ko ang kanyang simpatiya.

Sire is a well-known playboy, and the town’s infamous heartbreaker prince. Marami na siyang pinaiyak na babae, pero I feel like there’s something in his persona that makes me feel... comfortable. Kahit playboy siya, he never flirted with any of his female employees. He has this principle na kapag alam niyang may gusto sa kanya ang isa sa mga empleyada niya, he sends them a warning—warning na kapag hindi sila tumigil, sisisantehin niya sila.

He disapproves of office romance. Ayaw niya ng may nalalamang may romantic relationship sa loob ng kompanya, kaya ilang ulit ko talagang pinag-isipan kung siya ba ang dapat kong gawin na babymaker. Kabado ako sa magiging sagot niya kanina, but to my surprise, he didn’t hesitate to break his principle. Pumayag siya kaagad.

“I promise…” ani ko sabay tingin ko sa kanya. Napatitig naman siya akin, kita ang unti-unting pagkunot ng noo niya.

“I promise, if I get pregnant, I’ll submit my resignation immediately,” pagpapatuloy ko. Seryoso ang tinig ko.

Humigpit ang hawak ko sa kamay niya.

“And I’ll do everything to keep our arrangement strictly confidential... especially my pregnancy,” pahabol ko bago ako ngumiti sa kanya.