Chapter 7 – Her

Bawat nilalang may pinaglalaban. Para man ito sa buhay nila, sa pamilya nila, sa pangkat, para sa Alpha, at para sa paniniwala. Ang digmaan ay katumbas ng pagdanak ng dugo at kapag nasimulan, hindi kailanman matatapos.

Nilapitan ko ang mga kinikilala kong magulang sa loob ng ilang taon. Hindi ko mawari na sa loob ng mga taon na nakasama ko sila ay sila pala mismo ang nagkait sakin sa buhay ko, ang totoong pagkakilanlan ko para lang sa anak nilang mismong kaibigan ko pang traydor ang nagmamay-ari sa katawan na ito.

Nilapitan ko si Fredo na naghihingalo na. Tinitigan ko siya ng ilang minuto bago nginisihan at walang humpay na sinaksak ng patalim na siya mismo ang nagbigay. Nang makuntento ay tinigilan ko siya at medyo lumayo para makita ang kabuuan ng kaniyang kalagayan. Nakita kong humihinga pa siya ngunit hindi magtatagal ay mababawian rin ito ng buhay.

"a-anak," saad nito ngunit tinitigan ko lamang siya.

"s-s-styx..." ngumiwi ako ng marinig ko ang tinawag niya sa akin. Tinalikuran k