K-59

HENDRIX

"Nahanap mo na ba kung nasaan ang anak ko?" tanong ni Mr. Ambers nang magtungo ito sa kanyang bahay.

Bumuga ng hangin si Hendrix sabay iling. "Hindi pa po, sir. Pero dinagdagan ko naman ang inutusan kong tao."

Malungkot na naupo si Mr. Ambers sa upuan doon. "Sana mahanap natin siya. Para kahit papaano, makasama ko pa siya sa huling sandali ko sa mundong ito..."

Napatingin si Hendrix sa matanda. "Huwag po kayong magsalita ng ganyan, sir. Hindi pa po kayo mawawala kaagad-agad. Mahaba pa ang buhay ninyo."

Malungkot ang mga mata ni Mr. Ambers na tumingin sa kawalan. Nanginginig ang kanyang kamay sabay hinga ng malalim.

"Kung sinubukan ko sanang labanan ang pamilya ko noon, baka masaya pa sana kami hanggang ngayon ni Teresita. Kung sinubukan ko sanang ipaglaban ang pagmamahal ko sa abot ng makakaya ko, buo pa rin sana ang pamilya ko. Pero natakot lang ako sa kung anong puwedeng gawin ng pamilya ko kay Teresita. Kaya mas pinili ko na lang na maglaho at tanggapin ang mga