K-6

SAMARAH

Napanganga si Samarah sa laki ng bahay na pinuntahan nila. Malawak ang garahe doon kung saan nakapila ang iba't ibang magagarang sasakyan mula sa mga bisita doon.

"Kaloka naman po dito! Ang laki ng bahay! Sure ka po ba na bahay talaga ito o baka mansyon na?" bulalas niya sabay tinging muli sa malamansyong bahay na iyon.

"Isa sa pinakamagandang bahay iyan ng kaibigan kong si Nathaniel. Siya ang may birthday ngayon. At puwede ba, huwag kang mag-po. Remember, I'm your boyfriend tonight. Ipakikilala kita sa kanila na girlfriend ko. Secret girlfriend kita. Tatlong buwan na tayong magkarelasyon."

Mabilis na tumango si Samarah. "Sige po, boyfriend."

Umarko ang kilay ni Hendrix. "Ayan ka naman sa po! At anong boyfriend? You can call me, baby."

Napangiwi si Samarah. "Baby? Eh 'di damulag ka na."

"What?"

"Wala! Sabi ko ang guwapo mo. Sarap mong kagatin. Sige na, baby. Baby damulag. Este baby ko," wika ni Samarah sabay tawa.

Napailing si Hendrix. "Umayos ka nga. Para kang isip bata."

"Bata pa naman talaga ako, baby. Ikaw ang matanda sa ating dalawa. Pero hindi halata sa mukha mo. Mukhang alagang derma ka. Nagpapa-botox ka ba?"

"Fúck? No! Sadyang pinanganak lang akong guwapo. Manahimik ka na nga lang, Samarah. Ingay mong babae ka. Ayoko sa babaeng maingay," naiinis na wika ni Hendrix.

Nauna ng maglakad si Hendrix kaya sumunod na lamang siya. Hindi pa man tuluyang nakapapasok sa loob ng malaking bahay na iyon nang kalabitin niya ito.

"Bakit nauuna kang maglakad diyan? Ganiyan ba ang boyfriend? Parang hindi sila maniniwala kasi dapat sweet ka sa akin eh," nakangusong sabi ni Samarah.

Tiningnan siya ng ilang minuto ni Hendrix bago napailing. "Okay fine. You have a point. Hold my hand."

Napalunok ng laway si Samarah nang magsalop ang kanilang palad. Tila nanigas siya kasabay ng mabilis na pagtibok ng kanyang puso.

"What?!"

Alanganin siyang ngumiti. "Pasensya ka na, baby. First time ko kasing maranasang hawakan ang kamay ko ng isang lalaki kaya medyo nakakagulat. Parang may kuryente ang kamay mo. May super powers ka ba?"

Napanganga si Hendrix bago siya nito pinitik sa noo. "Ano ka ba? Tagabundok? Mga tanong mo pang tanga. Paano naman ako magkakaroon ng powers? Tanga mo."

Nawala ang ngiti sa labi ni Samarah. "Sobra ka naman sa akin kung makatanga."

"Shut up, Samarah. Hindi ko akalaing madaldal ka pa lang babae. Tatahimik ka o lalamasín ko iyang malusog mong dibdib sa harap ng maraming tao dito? Ano?"

Napanganga si Samarah sa sinabing iyon ni Hendrix. "Ibang klase ka namang manakot! Masyadong mahalay pero sige na. Tatahimik na ako."

Hindi na nagsalita pa si Samarah. Magkahawak ang kamay nilang pumasok sa malaking bahay na iyon kung saan mayroong mahabang lamesa at napakaraming handang pagkain. Napalunok ng laway si Samarah at biglaang natakam. Pinisil ni Hendrix ang palad niya nang makita ang kanyang reaksyon sa pagkain.

"You're here my friend, the one and only, Hendrix!" wika ng isang lalaki nang lumapit ito sa kanila.

"Yes, ofcourse. Happy birthday, Nathaniel. Next year, forty ka na. What's your plan? Where's your wife?" nakangising sabi ni Hendrix.

Biglang natawa si Nathaniel. "Wife? Sinong nagsabing mayroon ako no'n? Like you, I'm still single and ready to mingle! But I'm not into marriage pa. Gusto ko nung magpakasaya bilang single. Siguro pagdating ko ng age forty five, doon na ako hahanap ng mapapangasawa ko."

Dumako ang tingin ni Nathaniel sa kanya. "Wait, who's that beautiful lady?"

Tumingin sa kanya si Hendrix. "Her name is Samarah. My girlfriend."

Napanganga si Nathaniel. "You're what? Girlfriend? At kailan ka pa nagkaroon ng girlfriend? Akala ko ba fling lang ang gusto mo?"

Tumikhim si Hendrix. "Well, matagal nang may kami ni Samarah. Three months na rin. Hindi ko lang sinabi sa iyo dahil gusto kong maging private ang relationships naming dalawa," pagsisinungaling ni Hendrix.

Pinukol ni Nathaniel ang tingin nito sa kanya. "Is that true, Samarah? Three months na kayong magkarelasyon ni Hendrix?"

Malawak na ngumiti si Samarah bago tumango. "Yes. That's true."

Natatawang kumamot sa kanyang ulo si Nathaniel. "Fúck you, Hendrix! Akala ko, babaero ka pa rin. Pasimple ka na pa lang nagbabago. Well, hindi na rin tayo pabata that's why understand kung bakit gusto mo na ng commitment. Congratulations, Hendrix. Wish ko lang na sana, siya na ang babaeng pakakasalan mo. Halina kayo't kumain. Masarap ang lahat ng pagkaing nasa mesa."

Napalunok ng laway si Samarah bago humigpit ang hawak sa kamay ni Hendrix dahil hindi niya maiwasang masabik na kumuha ng pagkain.

"Dahan-dahan lang sa pagkuha ng pagkain, Samarah. You must act rich and classy. Huwag iyong astang patay gutom," bulong sa kanya ni Hendrix.

Inirapan niya ito. "Okay fine. Every one hour bago ako ulit kukuha ng pagkain. Mga pitong balik, ayos na sa akin iyon," wika ni Samarah bago nagtungo na sa malaking mesa para kumuha ng pagkain.