Chapter 17 Refreshing start

Sa loob ng ilang linggong bakasyon ay masugid siyang sinusundo ni Andrew pakagaling sa tindahan nila, kung hindi ito nasa oras ay maaga naman itong naroon at tumutulong pa sa kanya.

Minsan ay mayroon pa itong dalang bulaklak para sa kanya, sa halos araw-araw nilang magkasama kahit papaano ay nakikilala niya na ng kaunti ang isa pang parte ng ugali ng binata na marahil ay nabalewala niya noon.

Hindi niya na maitatanggi ang tuwa at gaan ng loob dito, kung kaya naman nang magplano ng picnic ng binata ay hindi siya tumanggi dito.

Naroon pa ang kakaibang pagkasabik niya dahil hindi nito sinasabi kung saan sila tutungo, kaya naman hindi mawala sa isipan niya ang sorpresang iyon.

Litaw na litaw ang tuwa sa kanyang mukha nang dumating na ang nasabing araw ng kanilang pamamasyal. Nandoon ang pamamadali niyang ipasok sa bag ang mga hinanda niyang kakainin nila.

Gumawa siya ng bento box, iba’t-ibang flavor ng sandwiches, kimbop, siomai, at cup cakes. Naabutan pa siya ng kanyang mama na abot t