Chapter 18 Surprise?

Nakasisiguro na si Lucy sa kanyang sarili na unti-unti ng nahuhulog ang loob niya kay Andrew, kaya kahit natatakot pakiramdam niya ay gusto niya ng sumugal dito, naghihintay na lamang siya ng tamang oras para sagutin ito. Alam niya kung gaano katiyaga ang lalake sa panunuyo sa kanya, kung kaya’t tiwala siyang makapaghihintay pa ito ng kaunti para sa panahon na iyon.

Ito ang mga bagay na iniisip ni Lucy habang pasimpleng tumitingin kay Andrew, pumayag na kasi siya na ihatid sundo ng binata.

"Thanks sa paghatid Andrew," saad niya pakahinto ng sasakyan nito sa tapat ng kanilang bahay.

Akmang pababa na siya nang kotse nang hawakan nito, napatingin na lamang siya pagkakahawak ng kanilang kamay bago bumaling sa binata, nandoon kasi ang kakatwang kabog sa kanyang dibdib nang madama ang init noon.

"Lucy, you have something here," pansin ni Andrew sa mukha niya sabay idinampi nito ang kamay sa kanyang pisngi para punasan ang kung ano man nandoon.

Nagtama ang kanilang mga tingin at naging ser