Chapter 12

LUNCH BREAK nang imbitahin si Vesper sa opisina ni Mavi para samahan itong kumain. Hindi na siya umangal pa tutal ay wala naman siyang kasamang mag-lunch.

Absent si Nelma at bukas pa raw ito makakapasok. Kaysa naman magpaka-loner sa canteen ay tinanggap na lang niya ang alok ng lalaki. Iyon nga lang, naging maingat siya sa pagpunta sa office nito upang walang ibang makapansin ng pagpasok niya roon.

Pinagsaluhan nila ang pininyahang manok, kanin at tig-isang baso ng lemonade juice. Kapwa nabusog sila sa in-order na pagkain ni Mavi para sa kanila. Nakuha pa nilang magkuwentuhan pagkatapos kumain.

"Grabe. Ang tagal ko ring hindi nakakain ng ganyang dish," banggit ni Vesper habang nakasandal sa upuan kaharap si Mavi na nakaupo naman sa swivel chair.

Muli itong nagsalita. "Naalala ko dati kapag pumupunta ako sa boarding house mo pagsapit ng hapon, nagpapatulong ka pa sa 'king maghiwa ng ingredients pero ang ending, lagi akong nasusugatan ng kitchen knife. Pati paghihiwa ng sibuyas, pahirapa