Chapter 17.1

KASAGSAGAN ng gabi. Nakaparada ang magarang service car ni Mavi sa parking lot ng condo building na tinitirahan ni Reign. Limang minuto nang nasa loob ng sasakyan si Mavi kasama sina Robert at Luther ngunit hindi pa rin ito lumalabas.

Mag-isang tinutungga ni Mavi ang isang bote ng alak mula sa backseat. Ayaw niyang pumunta sa bar dahil tiyak paglabas niya ay siguradong wasak siya kaya nagpabili na lang siya ng alak kay Luther at ginawang painuman ang sariling sasakyan.

Walang magawa ang dalawa kundi hayaan ang kanilang amo na gawin ang gusto kahit naisin man nilang pigilan ito. Nagmamatigas si Mavi at nagpupumilit na harapin si Reign sa kabila ng paglalasing nito dulot ng matinding stress dahil sa eskandalong kinasangkutan ni Vesper sa school.

Mula sa rearview mirror ay makikita ni Robert si Mavi na halos gawing tubig ang iinom na alak.

"Sir," pukaw ni Robert kay Mavi. "I don't think it's good for you to leave the car. It's too dangerous."

"Tama si Robert, Boss," sang-ayon ni Luther. "