Chapter 5.3

AFTER two days of strict bed rest, Vesper finally gets back on her feet and she's now able to attend her classes like she used to. Wala namang nagbago sa nakalipas na ilang araw, maliban sa nangyaring kasunduan sa pagitan nila ni Mavi.

Kung noon, kay Mavi niya itinatago ang bata, from this day, Myla will be hidden from the public eye for her protection. Ayaw niya ma-expose si Myla sa magulong mundo na ginagalawan ni Mavi at sa tsismis na meron siyang anak sa kanyang guro dahil sa huli, si Myla ang apektado.

Ang tanging hiling lang niya, huwag na huwag itong gagawa na ikasisira sa tiwala niya—mga bagay na magdadala ng gulo sa sitwasyong kinasasadlakan nila ngayon.

Kalmadong naglalakad si Vesper sa hallway ng science building, twenty minutes bago ang first period niya ngayong araw. Kaka-chat lang ni Nelma at hinihintay na siya sa classroom. Hindi na sila nagkasabay pang pumasok dahil hinatid niya pa si Myla sa school bago siya dumiretso ng ICE. Ayos lang naman 'yon, ang mahalaga'y hindi