Chapter 8.1

LUNES ng umaga. Nagmamadaling umalis ng apartment ang mag-ina para ihatid si Myla sa eskwelahan. Medyo may kalayuan pa naman 'yon mula sa kanilang tinitirahan at meron na lamang silang sampung minuto para humabol sa flag ceremony.

Kinawayan ni Vesper ang paparating na jeep sa labas ng apartment building kung saan sila naghihintay ng masasakyan. "Manong, sasakay kami!" sigaw niya.

Tumigil ang jeep sa harap nila at sumakay na sila. Habang nasa sasakyan ay nakaramdam si Vesper ng pagkabalisa. It seems like she forgot something but she can't remember what it is.

"'Ayos lang po kayo, Mommy?" ani Myla na nasa tabi niya.

Unti-unting nanlaki ang mga mata ni Vesper nang ma-recall niya kung ano ang bagay na iyon. Nakaligtaan lang naman niyang dalhin ang 1/8 illustration board na ipapasa niya sana ngayong umaga! Nasapo niya tuloy ang noo sobrang inis at pagkadismaya.

"May nakalimutan ako anak pero 'di bale, babalikan na lang ni Mommy pag-uwi," sagot niya rito.

Tahimik ang dalawa hanggang sa makar