Kabanata 20

020.

Nakahawak sa ulo niya si Johan habang nakasandal sa kaniyang swivel chair. Pumipintig ito sa galit dahil sa kapalpakan ng mga empleyado niya.

Kanina lang ay karating sa kaniya ang nangyaring anumalya sa financial records ng kompanya. Dagdag pa ang chismis na umiikot dahil sa biglaang pagsuspende niya kay Jacob sa project.

"Magpapatawag po ba kayo ng meeting, Boss Johan?" Tanong sa kaniya ni Mr. L.

"No need, tukuyin niyo kung sino ang nagnanakaw sa kompanya. Asikasuhin niyo kaagad pagdating ni Rohan mamaya. Tell me immediately kapag nahanap niyo!"

"Masusunod po."

Ilang minuto pagkaalis ni Mr. L ay siya namang pagbukas ng pinto. Dumako ang tingin doon ni Johan at kumunot ang noo niya dahil walang pumasok.

"Who's there?!" Galit niyang sigaw.

Walang sumagot pero naririnig niya ang bulungan ng maliliit na boses.

He thought that it was only one of his employees' kid dahil pinapayagan naman niya ang mga ito na magdala ng anak sa kompanya.

Maya maya pa ay nakarinig na siya ng hagikgi