HTGT:6

Limang araw na ang lumipas noong pumunta ako sa bahay nila Harris. Nandito ako ngayon sa bahay nila Cindy para magpatulong sa pagpili ng susuutin kong gown sa kasal namin ni Harris.

Sa isang linggo na ang kasal namin dahil gusto ng parent's ni Harris na padaliin ang kasal namin. Wala naman akong magagawa kung hindi sumunod sa gusto ng mga magulang namin.

Isang linggo na rin walang imik si Harris. Lagi itong lasing kahit umaga pa ay umiinom na ito, hindi nagustuhan ni tito Arnold ang ginagawa ng anak niya. Napabayaan na rin ni Harris ang pamumula sa kumpanya nila at kung magpapatuloy pa ang pagiging pabaya ni Harris ay maaaring mapalitan siya sa pagiging CEO niya.

Hindi na rin ito tumutol sa kagustuhan ng magulang niya. Nagtataka ako dahil hindi ito sang- ayon sa arrange marriage na nasa pagitan naming dalawa. Pero, ang hindi ko pa rin nakakalimutan ang sinabi sa akin ni Harris noong kaming dalawa lamang ang naiwan sa living room sa bahay nila.

"I think, magiging masaya kapag magkasama na tayo sa iisang bubong."

Hindi ko maintindihan kung ano ang gustong iparating niya sa akin, gusto ko man siyang tanungin kung ano ang ibig niyang sabihin ay mas pinili ko n lamang na manahimik. Ayaw kong maging bad mood siya sa akin.

Napa- ayos ako ng upo ng bumukas ang pintuan ng banyo ni Cindy. Nakasuot ito ng crop top na kailanman ay hindi ko naranasan na magsuot ng ganiyang klaseng damit. Sabagay, hindi naman ako katulad ng kaibigan ko na pasyonista.

"Okay, ba? " Tanong niya habang nagsusuklay sa katamtamang haba ng kulay itim niyang buhok.

Tumango ako. "Ayos naman, bagay na bagay sa'yo." Pagpuri ko sa kaniya, sumilay ang ngiti niyang nakaloloko.

"Paniguradong marami ang makikipag sayaw sa akin mamaya," sambit niya. Napailing ako dahil sa sinabi ng kaibigan ko, hindi na ako magtataka kung ano ang nais niyang iparating sa akin. Mahilig siyang gumimik kasama ang mga friends niya. Samantalang ako, wala akong mga kaibigan maliban sa kaniya. Si Cindy lamang ang kaibigan ko at ang pinagkakatiwalan ko.

"Pupunta ka naman sa club,” sambit ko. Nagtungo ito sa ibabaw ng kama niya at naupo.

“Parang hindi mo naman ako kilala, hindi ka naman nasama sa mga gimik ng mga kaibigan ko.” Sabi nito.

“Kilala mo ako, Cindy. Wala akong hilig sa mga ganiyan,” sabi ko.

“Si Harris na lang kaya ang yayain ko para naman may kasama ako. Sa tingin mo, Elle?” Nakangising sabi nito, napailing na lang ako dahil sa sinabi niya.

“Kalokohan mo, sa tingin mo naman sasama sa'yo si Harris.” Sabi ko.

“Biro lang, hindi ko naman aagawin sa'yo ang groom mo.” Sabi nito at tumawa.

“Tigilan mo nga ako Cindy,” kunwaring naiinis kong sabi. Para ilayo ang topic kay Harris.

“Bakit ka nga pala pumunta dito? ” Pagiiba niya sa usapan. Tinignan ko naman ito ng nagmamakaawang tingin.

“Magpapasama sana ako sa'yo,” sabi ko.

Tumaas naman ang kilay nito at naghihintay ng susunod ko pang sasabihin. “Tulungan mo akong pumili ng wedding gown para sa kasal namin ni Harris,” sabi ko.

Kumunot ang noo nito. “Bakit ako ang isasama mo?” Tanong nito, napabuntong hininga ako.

“Wala naman sasama sa akin. Ikaw lang naman ang kaibigan kong makakasama ko,” sabi ko.

“Nasaan ang groom mo?” Tanong nito.

“Sa tingin mo ba sasama siya? Malabong sumama ‘yon sa'kin, Cindy.” Sabi ko.

“ Kung ako lang ang nasa katayuan mo, Elle. Hindi ako makakapayag na hindi siya ang makakasama ko sa pagpili ng wedding gown ko. Kahit arrange marriage pa 'yan,” supladang sabi nito.

“Kaya lang, si Cindy ka at hindi ka si Elle.” Biro ko, nakatanggap ako ng irap niya.

“Kunwari lang naman,” mataray na sabi nito.

“Sasamahan mo ba ako?” Tanong ko.

“Ano pa nga ba ang magagawa ko, edi sasama na rin ako para naman makapamili 'din ng susuutin ko sa araw ng kasal ko.” Sabi nito, nangunot ang noo ko. Wala pa naman siyang kasintahan at bakit siya mamimili ng wedding gown?

“May boyfriend ka na ba?” Takang tanong ko.

“Wala pa, malay mo someday makakakilala rin ako ng katulad ni Harris.” Sabi niya at ngumiti ng malapad.

“Bakit ba si Harris lagi ang naiisip mo pagdating sa mga lalaki?” Takang tanong ko, nag kibit balikat lamang ito.

“Wala lang, maiba nga tayo. Hintayin mo muna ako sa living room, nandoon naman sila mom.” Sabi nito, tumango ako.

“O, sige. Hihintayin na lang kita sa baba,” ayon na lamang ang sinabi ko at tumayo na upang lisanin ang kwarto niya.

Binuksan ko ang pintuan ng kwarto niya at lumabas. Bago ko isara ang pintuan nag salita muna siya. “ Magpapaganda muna ako, ” sambit nito. Napailing na lang ako bago isinara ang pintuan. Naglakad ako pababa sa hagdan upang pumunta sa living room dito sa bahay nila Cindy. Hanggang second floor lang ang bahay nila Cindy at masasabi kong maganda ang mga painting dito sa palibot .

Nang makatungo ako sa living room nakita ko ang mommy ni Cindy habang may hawak hawak na diyaryo. Nakaupo ito sa single couch habang seryosong nagbabasa.

Tumikhim ako upang makuha ang atensyon ng mommy ni Cindy. Lumingon naman ito sa akin at ngumiti.

“Halika dito, Elle.” Nakangiting sabi ng mommy ni Cindy, naupo ako sa kaharap niyang couch.

“Pansenya na po sa abala, tita.” Nahihiyang sabi ko, narinig ko naman na tumawa ng mahina ito.

“Don't worry, Elle. Mabuti nga at niyaya mo si Cindy,” sabi ni tita.

“Wala po kasi akong makakasama sa pagpili ng wedding gown ko,” nahihiyang sabi ko.

“Oo, nga pala. Ikakasal ka na nga pala next week. Buo na ba ang desisyon mo, Elle? ” Paninigurado ni tita, mabagal akong tumango bilang sagot.

“Opo, tita. Siguro naman, balang araw ay matatanggap 'din ako ni Harris at mahalin.” Sabi ko at napabuntong hininga.

“Hindi naman kita masisisi, Elle. Sa sitwasyon mo ngayon ay nangyari na din ito sa akin noong kabataan ko pa at sigurado ako na nahihirapan ka rin sa sitwasyon niyong dalawa ni Harris,” sambit ni tita.

“Sana talaga mahalin niya rin ako, ” sabi ko.

“By the way, Elle. Saan ang venue ng kasal ninyong dalawa ni Harris? Tanong ni tita, saglit akong napaisip. Sa pagkaka-alala ko ay sa beach resort ang venue.

“Kung hindi ako nagkakamali, sa beach resort dito sa batangas po ang venue. ” Sabi ko.

“Nga pala, the the tita. Makakapunta naman po kayo hindi di ba? ” Tanong ko.

“Oo, naman. Hindi pwedeng wala kami sa special na araw ng bestfriend ng anak namin, ” nakangiting sabi ni tita. Napangiti ako kahit na nababagabag ako sa hindi ko malamang dahilan.

“Thank you, tita. ” Nakangiting sabi ko.

“Mukhang seryoso ang pinaguusapan niyo, ah. ” Biglang sulpot na sabi ni Cindy sa gilid namin. Hindi mo namalayan na nakarating na pala dito sa tabi namin.

“Tungkol lang sa kasal ang pinag-uusapan namin ng kaibigan mo, Cindy. ” Sambit ni tita.

“Oh! I see, ” Sambit ni Cindy sa kaniyang mommy.

“Tara na, Elle. Mom, aalis na po kami.” Sambit ni Cindy sa mommy niya, tumango naman si tita.

Tumayo ako habang sukbit ang aking shoulder bag na kulay pink.

“Aalis na po kami tita, ” sabi ko at nakipag beso sa kaniya. Nag umpisa na kaming maglakad ni Cindy papalabas ng pintuan ng bahay nila.

“Cindy, may dala akong sasakyan sa akin ka na lang ba sasabay?” Tanong ko ng makarating kami sa tapat ng kotse ko.

“Sabihin mo na lang sa akin kung saan tayo pupunta, diretso na din kasi ako mamaya sa club. ” Sabi nito kaya tumango ako, mabuti na lang talaga ay nandito si Cindy.