Kabanata 17

HALOS wala sa sariling pinanood ko lamang ang pagpapalitan ng suntok ni Raul at Cean. Parehong duguan ang mukha ng mga ito. Pero kahit ganoo'y walang nagpapaawat sa dalawa.

"Stop!" narinig kong sigaw mula sa aking likuran. "Both of you stop!" ulit nito.

Mabilis akong lumingon. Ngunit tila parang sa pelikulang bumagal ang lahat nang makita ko ang taong sumigaw niyon. Nakasuot siya ng bestidang puti, may benda sa noo at may hawak na baril na palipat-lipat ang tutok sa dalawang nagpapambuno.

Unti-unting tumulo ang mga luha ko. Kasabay niyon ang tila pagkahilo dahil sa mga alaalang pilit sumisiksik sa utak ko.

Ang maamo niyang mukha. Ang mapipilantik niyang mga pilikmata, matangos na ilong at manipis na mga labi. Hindi ako makapaniwala sa nakikita. 

"Stay away, Moreen!" mariing sigaw ni