روايات بقلم Pxnxx

Ang tanging gusto lang naman ni Rhyna ay maghanap ng trabaho. Pero mukhang hindi sang-ayon sa kaniya ang panahon. Dahil matapos niyang mabasa ng ulan ay isang ubod ng supladang buntis naman ang kaniyang nakilala. Hindi lang doon natapos ang kaniyang malas. Dahil matapos nitong mailuwal ang sanggol, pumanaw ito. Ngayon naiwan sa kaniya ang responsibilidad sa pag-aalaga sa bata dahil na rin sa utos ng Lola nito. Ayos lang naman iyon sa kaniya. May susuwelduhin naman siya sa pagiging ina ni Renzo. Ang hindi okay ay ang pag-uwi ng ama nitong ubod ng kaantipatikuhan. Pero siguro kailangan niya nang maniwala na totoo ang mga binabasa niyang pocketbooks. Dahil pagkalipas lamang ng ilang linggo'y nagbago ang pakikitungo sa kaniya ni Rios. Ngayon inaalok na siya nito ng kasal. Ang malala pa'y gusto na raw nitong bigyan ng kapatid si Renzo.

Hindi kailanman pinangarap ni Quia na maging ibang tao. Ang gusto lang niya ay kumita ng sapat na pera para sa kaniyang pamilya. Ngunit nagbago ang lahat nang makilala niya si Jino Montecarlo, na humiling sa kaniyang magpanggap bilang si Jianna—ang nawawala nitong kapatid na eksaktong kamukha niya. Pumayag si Quia para sa kapakanan ng kaniyang pamilya. Ang kailangan lamang niyang gawin ay gampanan ang papel ni Jianna hanggang sa matagpuan ito. Ang problema? Kailangan din niyang harapin si Yvo Ramirez, ang lalaking iniwan ni Jianna sa altar. Galit si Yvo sa babaeng pinaniniwalaan niyang sumira sa kaniyang buhay. Determinado siyang iparanas kay Jianna ang sakit na dinanas niya. Ngunit habang patuloy na nagpapanggap si Quia, unti-unti namang nahuhulog ang dalawa sa isa’t isa. Sa unang pagkakataon, nakaranas si Quia ng pagmamahal na hindi niya kailanman inakalang matatanggap niya. Ngunit paano kung ang lalaking mahal niya ay hindi siya minamahal bilang Quia, kundi bilang anino ng babaeng kamukha niya? Nang matuklasan ni Yvo ang katotohanan, pinili ni Quia na lumayo. Lumipas ang mahigit dalawang taon bago sila muling nagkita—ngayon ay may anak na si Quia, si Hugo, na hindi maikakailang anak ni Yvo. Sa pagbabalik ni Yvo sa buhay nila, muling bumalik ang mga sugat, selos, at pagmamahalan na hindi nila tuluyang natakasan. Ngunit kasabay nito ang pagbabalik ng isang mas malaking panganib mula sa nakaraan ni Quia. Habang hinahanap nila ang taong responsable sa pananakit kay Hugo, isang lihim ang mabubunyag na tuluyang magbabago sa lahat ng kanilang pinaniniwalaan. Dahil ang pagkakahawig nina Quia at Jianna ay hindi pagkakataon. Magkambal sila. At sa huli, kailangang harapin ni Quia ang pinakamahalagang tanong: kung buong buhay siyang naging kapalit ng ibang tao, kaya ba niyang piliing maging siya mismo?

Justice and revenge. Iyon lang ang nasa isip ni Alexandria hanggang sa tumuntong siya sa edad na bente-sais. Desi-otso anyos siya nang magulantang siya sa kaniyang nasaksihan sa mismong tahanan nila. Pinatay ang Mommy at Daddy niya habang ang kaniyang kapatid naman na babae ay walang sawang inangkin at binaboy. Dahil sa kagustuhang maipaghiganti ang pamilya. Nakilala niya si Raul. Ang dahilan ng unti-unting paglimot niya sa nakaraan. Ang lalaking nagpagulo sa natutulog niyang puso. Pero bato naman pagdating sa salitang pagmamahal. Isang bagay ang nalaman niya tungkol sa binata. Isang bagay na naging dahilan para muling sumibol ang galit, poot, at pagkamuhi sa kaniyang puso.