Kabanata 5:

ELARA'S P.O.V:

"ANO PO bang pag-uusapan natin, Sir?" kinakabahang tanong ko habang nakatayo, ilang dipa ang layo sa kanyang kinauupuan.

"Why don't you sit first, Miss Vance?"

"Huwag na ho, sanay naman po akong tumayo."

Umigkas ang isang kilay niya sa akin at saka siya napapabuntong hiningang tumayo mula sa kanyang kinauupuan at naglakad siya palapit sa akin.

Itinukod niya ang isa niyang kamay sa mesa habang nakatingin sa akin.

"So, sanay ka rin na mang iwan ng taong natutulog at hindi man lang ginising para humingi ng eksplenasyon?"

"Ano bang sinasabi mo, Sir?"

Napaatras ako ng kaunti nang hawakan niya ang aking baba at marahang iniangat yun upang magtama ang aming mga mata.

"Do you think I will forgot what happened that night five years ago? Sinamantala mo ang kalasingan ko--"

"O.A mo, hindi no!"

Nanglaki ang mga mata ko sa sinabi ko dahil sumilay ang ngisi sa kanyang labi.

"So, tama ako? Ikaw yung babaeng nakasama ko sa Grind Me Harder, five years ago na ang nakakalipas?"

"H-Hindi nga ako, Sir-- ano ba!" bigla niyang niyakap ang isang braso niya sa bewang ko at kinabig ako palapit sa kanya at amoy na amoy ko ang pabango niya nang mailapat ko ang pareho kong kamay sa dibdib niya.

"Now, tell me. Why did you disappear that day without even talking to me, Elara Vance?"

Umiwas ako ng tingin sa kanya. "B-Baka kamukha ko lang ang sinasabi mo. Hindi naman kita kilala."

"Ahuh? But you didn't deny the fact that it was you whom I spend my night with. Sinamantala mo ang kahinaan ko," bulong niya sa aking tainga kaya nagkaroon ako ng lakas ng loob na itulak siya palayo sa akin ngunit isang atras ang nagawa niya dahil nakapatong sa mesa ang isa niyang braso.

"Ang kapal ng mukha mo. Sa ating dalawa, ikaw ang nananamantala tyaka sabi mo nga five years ago na di ba? Meaning, kalimutan mo na ang nangyari. Isipin mo na lang na empleyado mo ako at Boss kita."

"Paano kung ayoko?"

"What?" singhal ko sa kanya.

"Paano kung gusto kong sabihin sa'yo na gusto kong maramdaman ulit ang bagay na ipinaramdam mo sa akin habang nasa bisig kita?"

"Baliw ka na. Pwede bang bumalik na lang ako sa trabaho ko dahil wala naman akong mapapala sayo."

"Fine, then let's have a deal?"

"Ayoko!"

"Miss Vance,"

"Ayoko! Tapos ang usapan. Maiwan na kita!"

Hindi ko na hinintay pa na sumagot si Mr. Saavedra, bagkus nilayasan ko siya at saka ako nagmartsa palabas ng conference room at sa pantry ako dumiretso.

Pumasok ako sa banyo at doon ako nagkulong habang sapo ang dibdib ko.

Diyos ko, naalala niya!

Hindi ko inaasahan na ang lalaking nakasama ko ng gabing 'yon ay magiging Boss ko ngayon.

Naiwasan ko nga si Vince pero dumating naman ang isang Felip Saavedra!

Pakiramdam ko, mamamatay ako ng maaga.

Iwinaksi ko na lamang yun sa aking isipan at saka bumalik sa trabaho ngunit hindi pa man ako nakakaupo sa tabi ni Miss Barbie, tumunog ang intercom.

"Miss Vance, please come to my office."

Gusto kong magdabog ngunit wala akong mapapala kundi ang sundin siya dahil mula sa araw na ito ay Boss ko ang lalaking naka-one night stand ko.

"Pinatawag niyo po ako?" tanong ko habang abala si Mr. Saavedra sa papel na pinipirmahan niya.

"Pwede bang pakidala ito sa marketing department at sabihin mong irevise nila ang report nito."

"Seryoso ka?"

Umangat ang kanyang mukha sa akin at doon ko lang napansin na may suot siyang salamin. Ang haba kasi ng buhok, natatakpan ang kanyang noo hanggang ilong.

"Yes, Miss Vance."

I groan in anger as I step forward on his desk. Iniabot niya ang isang kumpol ng bond paper ngunit bago ko pa makuha ang papel, iniwas niya yun at hinawakan ang kamay ko gamit ang isa niyang kamay at walang habas akong hinila paupo sa kanyang kandungan.

"Mas maigi sigurong manatili ka na lang dito sa opisina ko at bantayan ang pagtatrabaho?" aniya habang nakakulong ako sa kanyang bisig at yakap ang bewang ko.

Isang malambing na ngiti ang binigay ko sa kanya at marahang hinawakan ang neck tie na suot niya.

"Sa pagkakaalam ko po, sekretarya mo ako. Hindi laruan!"

Sa inis ko, hinila ko ang neck tie at itinali yun sa kanyang leeg dahilan para mapaubo nang maramdamang nasasakal siya ng sarili niyang neck tie.