Kabanata 4:

ELARA'S POV:

KATULAD ng napag-usapan namin ni Miss Barbie, alas sais pa lang ng umaga ay nasa executive floor na ako at nauna pa ako sa kanyang dumating.

Pumasok ako sa executive office upang ilagay ang mga papeles na dapat pirmahan at nagulat ako nang may lumabas na lalaki sa isang pintuan na ngayon ko lang napansin.

"Hey, what are you doing in my office?" aniya na tila kagigising lang.

Magulo pa ang buhok, at inaantok na mga mata. Walang pang itaas na damit at tanging pantalon lang ang suot.

Napalunok ako.

"S-Sekretarya niyo ho ako."

He tilted his head while looking at me but I didn't expect what he did next.

"Ah okay. Please bring me some cold water and prepare me some coffee, a black coffee with no sugar," aniya bago maupo sa kanyang swivel chair at inikot yun patalikod sa akin.

"S-Sige po."

Nagmamadaling lumabas ako ng opisina at dumiretso ako sa pantry. Pagkarating ko dun, nasapo ko ang sarili kong dibdib dahil sa kaba na aking naramdaman habang kaharap ko siya.

"Shet! Bakit siya nandito?" singhal ko sa aking sarili. "Siya yung lalaking nakasiping ko five years ago! Tinamaan ka nga naman talaga ng lintik!"

Nagtimpla na lang ako ng kape at naghanda ng cold water at inilagay ko yun sa tray at dinala sa opisina ngunit bago pa man ako makarating, nadatnan ko na si Miss Barbie na nasa pasilyo.

"Elara, ang aga naman niyan. Magkakape ka ba?" aniya na tila nahihiwagaan sa dala ko.

"Ah hindi ho. Inutusan lang po ako ni Sir na magdala ng kape."

Kumunot ang noo ni Miss Barbie sa akin, "Nandyan na si Sir Felip?"

Felip Saavedra, yun ba ang pangalan niya?

"Mukhang nandyan na nga po."

"Siya, ako na ang maghahatid niyan sa loob at bumalik ka don sa mesa. May ipapagawa ako sa'yo."

"Sige po."

Kinuha sa akin ni Miss Barbie ang tray na dala ko at saka siya naglakad patungo sa executive office at ako naman ay dumiretso sa cubicle bilang sekretarya.

Puso ko, kumalma ka. Ang lalaking nakasiping mo ay hindi ang magiging Boss mo kaya wag kang kabahan!

Kahit anong pampakalma yata ang gawin ko ay hindi ko magawa dahil nang sumapit ang alas otso ng umaga, ipinatawag ang lahat ng empleyado sa conference hall at lahat kami ay natipon doon.

"Good morning employees," bati ng head supervisors na narito sa executive floor. "Hindi naman siguro lingid sa kaalaman ninyo na ngayon darating ang bago nating CEO hindi ba?"

"Yes, Maam."

"Now let me introduce to you, Mr. Felip Saavedra, our new Chief Executive Office of Saavedra Autocad!"

Sumabog ang palakpakan sa buong paligid ko at bumukas ang pinto ng executive floor at iniluwa niyon ang lalaking nakita ko sa opisina kanina at si Miss Barbie na nakasunod sa kanya.

Dumiretso ang lalaki sa pinaka sentro ng mesa at naupo ito sa silya habang kami ay nanatiling nakatayo malapit sa pinto.

Mabuti na lang at nasa pinakalikuran ako kaya hindi ako agad mapapansin.

"Good morning," bati ng bagong CEO sa amin.

"Good morning, Sir."

"I am Felip Saavedra and I will be your Boss for as long as I live here on Earth. Gusto ko sana ng maayos at matiwasay na trabaho para sa ating lahat kung may isyu man kayo na gustong pag-usapan tungkol sa trabaho ay bukas ang pintuan ng opisina ko. Pero kung mga walang kwentang bagay lang naman, mas maigi kong sarilinin niyo na lang."

"I am strict and have a bad temper for those employees who did not meet my expectations but I am also kind to those who do their job properly. That's all for today and go back to your work."

Ang yabang!

Akala mo naman kung sinong makaasta kahit na CEO namin siya, dapat mangibabaw sa kanya ang pagiging kapwa tao.

Akmang lalabas na rin ako nang tawagin ni Mr. Saavedra ang pangalan ko kaya napahinto ako sa balak kong paglayas.

"Miss Vance, please refrain yourself here because I want a word with you, alone."

Nagkatinginan kami ni Miss Barbie ngunit tinanguhan na lamang ako niya ako at mabilis na naglakad palabas ng conference room at ako naman ay naglakad palapit kay Mr. Saavedra.