Chapter 36

Nakita ko s’yang nakaakbay ay Tammy paalis sa maraming tao. Kahit gabi na ay maliwanag pa rin ang harap ng bahay dahil sa mga taong naro’n, maging ang mga flash ng camera na sunod-sunod. Hindi ko maigalaw ang mga paa ko para humakbang papalapit sa kanila, hindi ko alam kung ano ba ang dapat kong maging reaksyon sa nakikita ng mga mata ko.

Nagmamadali silang pumasok ng sasakyan ni Zayne, sinusubukan pa silang lapitan ng mga taong may hawak nang mga camera, microphone, at kung ano-ano pa.

Kung hindi nga lang sila hinaharang ng parang mga bodyguard ay baka kanina pa pinagkakaguluhan sila Zayne at Tammy.

“Anong ginagawa ni kuya rito? Ba’t may mga paparazzi?” naguguluhang tanong sa akin ni Brecken, ngunit wala sa kaniya ang atensiyon ko kung ‘di ro’n kay Tammy at Zayne.

Malakas ang kabog ng puso ko na bumalik sa sasakyan. Bakit ganito ang nararamdaman ko? May kung anong bumabagabag sa akin na dahilan para ako’y kabahan at masaktan.

Sumunod naman kaagad si Brecken sa akin, sumakay na siya