Chapter 79 Jealousy

KIESHA:

TAHIMIK akong nandidito sa gilid ng pool. Nakalublob ang mga paa sa tubig na nakayuko. Matapos kaming makausap nila Mommy at Daddy na dito na muna tumira si Kristine ay dito ako sa likod ng mansion tumuloy. Pakiramdam ko ay napakasikip ng mansion na nandidito ang Kristine na 'yon. Ramdam ko ang negative vibes dito at hindi na ako magtataka na gagawa ito ng hindi maganda. Inaalala ko lang ay. . . baka ako pa ang mapasama sa mga Montemayor na nandidito ang bruhilda.

Naramdaman ko naman ang mga papalapit na yabag dito sa kinauupuan ko. Pasimple akong nagpahid ng luha na nanatiling nakayuko. Aminado naman akong labag sa loob ko ang pagpayag na tumira dito si Kristine. Pero nahihiya naman ako na umangal dahil nakikitira lang kami dito.

Naupo ito sa tabi ko na inilublob din ang mga paa sa tubig at saka ako inakbayan. Hinagkan pa ako sa ulo na kinabig pasandal sa kanyang balikat.

"Don't cry, wife. Nalulungkot din si baby sa tummy mo," malambing saad nito.

Kilalang-kilala niya talaga