Chapter 78 Bisita

KIESHA:

NAGISING akong mag-isa na lamang ng silid. Maging si Eisha ay wala na rin sa kuna nito. Napainat ako ng mga braso na bumangon ng kama. Inaantok pa ako pero mataas na ang sikat ng araw. Isa pa ay nandidito na si Papa. Tiyak kong naiilang pa iyon na makisalamuha sa pamilya ni Eivo.

Matapos kong gawin ang morning routine ko ay bumaba na ako ng hagdanan. Natigil ang paghakbang ko na mahagip ng pandinig ko ang pamilyar na boses sa may sala. Napapalunok akong bumilis ang pagtibok ng puso.

Dahan-dahan akong bumaba ng hagdanan at hindi nga nagkamali na malingunan sa sala ang babaeng nagpainit lang naman ng ulo at dugo ko.

Si Kristine. Napakagiliw nitong nakikipag kwentuhan kay Mommy Angeline. May mga paper bag pa sa center table na mukhang pasalubong nito sa mga in laws ko.

"Kiesha! Long time no see!" bati nito na napatayo.

Kimi akong ngumiti na lumapit sa mga ito. Napakahilaw ng ngiti na halatang pinaplastik lang ako dahil nakaharap si Mommy Angeline.

"Hello," kiming bati ko na t