Chapter 14

Kahit na inis na inis ako ay nagawa ko pa ring paghandaan ng almusal ang aking magaling na asawa. Nagtimpla rin ako ng mainit na kape at kumuha ng gamot para sa kan'yang hangover. Hindi ko maiwasang sumimangot habang naghahanda ng kan'yang pagkain, sobrang disappointed at nalulungkot ako dahil sa ginawa niya kagabi.

Kinuha ko ang tray na inihanda ko at pumunta sa taas. Breakfast in bed ang peg ko ngayon, ewan ko ba sa sarili ko hindi ko matiis ang lalaking iyon. Kahit nagtatampo at naiinis ako ay hindi ko pa rin maiwasan na mag-alala sa kaniya.

Bigla kong nasalubong si Manang sa hallway. Kakagising niya lang kaya napangiti ako. Mukhang puyat na puyat ito kaya napakunot ang aking noo.

"Magandang umaga hija. Pasensya na at na-late ako ng gising, nanuod kasi ako ng paborito kong teleserye kagabi," kinikilig nitong wika sa akin kaya napailing ako. Mukhang may asim pa si Manang, kinikilig pa rin.

"Kaya ho pala, Manang.Gumawa po ako ng almusal natin sa baba, mauna na po kayo. Ihahatid ko