Kabanata XXII

“CALIXTA, Sandali lang napapagod na ako.” Reklamo ni Ajax na kinatawa ko. Paanong hindi mapapagod eh literal na siya ang may dala ng mga pinamili ko. Tapos na kaming mamili, 'yung ibang gamit ay nasa loob na ng kotse. Yung appliances ay babalikan na lang daw. Ipapakuha raw niya sa truck para maihatid sa bahay, tinawagan ko na rin si tatay tungkol rito at masayang masaya siya. Sabi ko isiksik muna ang lahat ng gamit sa loob ng bahay dahil balak kong umupa o bumili ng medyo malaking bahay para sa kanila. Hindi naman 'yung nakakalula, ang ibig kong sabihin ay 'yung bahay na hindi sira-sira at ligtas sila tsaka medyo malaki para magkasya ang mga gamit na bago.

“Gusto mo na ba umuwi o kain na muna tayo?” Tanong niya bago sumulyap sa kaniyang orasan.

“Mag-aalas otso na!?” gulat na tanong ko. Ang bilis naman ng oras.

“Oo kaya umuwi na tayo.” Siya na rin mismo ang nag desisyon.

Hinatak na ako ni Ajax papunta sa parking lot at agad na nagmaneho, siguro ay talagang pagod na siya o kaya ay malun