Chapter 4

"Magdalena Perez."

"Present po, Sir!" Bigla ay sagot ko sabay taas pa ng kamay ko. Nagtawanan naman agad ang mga kaklase ko.

"Magdalena Perez. I am not asking if you are here or not. What I'm asking is why are you in the back and lined up with the boys?"

Medyo napahiya naman ako ng konti.

"And you're not even listening to me? Are you out of this world?" Masungit na saad niya. Hay... agang-aga ako agad ang nakita niya.

"Dito na lang po muna ako, Sir. Mas kumportable po kasi ako dito—"

"No. Go back to your own seat. Here in the front where I first saw you sitting." Wika pa niya habang nakaturo sa bakanteng upuan sa unahan.

"Okay, Sir." Sabi ko na lang dahil wala rin naman akong magagawa. Walang ganang kinuha ko ang bag ko pero hindi ko ipinahalata.

"Tss! May paglipat pa kasi. Masyadong papansin." Rinig kong sabi pa ni Felly. Isa pa ito sa dahilan kaya umalis ako rito sa pwesto ko ay dahil hindi ko na rin gusto kung sino ang katabi ko.

"Okay, let's start!" Ani Prof.

Nagsimula na nga siya sa pagtuturo sa unahan. Nakikinig naman ako at hindi ko pinapaaapektuhan ang pag-aaral ko. Konting tiis na lang sa lahat ay alam kong makakapagtapos rin naman ako ng pag-aaral ko.

Isinusulat ko ang mga importanteng sinasabi ni Sir Arthur ng biglang tabigin ni Felly ang kamay ko. Nahulog ang ballpen ko sa sahig kaya naagaw ko na naman ang atensyon ni Sir Arthur.

"Is there any problem, Magdalena?"

"N-No, Sir."

"Okay, let's proceed!" Pagpapatuloy niya.

Ako naman ay yumuko at kinuha ko ang ballpen ko. Ngunit pagtunghay ko ulit ay nakita kong napatingin sa akin si Sir Arthur, hindi sa mukha ko kundi sa tapat ng dibdib ko. Nakita ko pang naggalawan ang Adam’s apple niya ngunit hindi siya nagpahalata sa iba. Tumalikod agad siya at biglang nagsulat sa white board.

"Okay. Copy this! Pag-aralan nyong mabuti dahil may quiz tayo bukas."

Bigla namang nag-ingay ang mga kaklase ko ng makarinig ng quiz.

"What's the matter? Ayaw nyo ng quiz?" Pilosopo pang tanong ni Sir Arthur.

Wala namang sumagot at tumigil na rin sila sa pag-iingay. Ako naman ay itinuon na lang sa notebook ko ang atensyon. Kapag nakatalikod si Sir Arthur ay tumitingin ako sa whiteboard, at kapag haharap siya sa amin para i-check kami ay sa notebook ko naman inililipat ang tingin ko.

Nagpatuloy siya sa pagpapakopya. Ako naman ay kinopya ko lahat. Maya-maya pa ay natapos na rin ang oras ng subject niya. Nagpaalam na siya sa amin at tuluyan ng umalis.

Pakiramdam ko tuloy ay palagi akong kinakabahan kapag nariyan ang presensiya niya.

After my third class ay dumaan muna ako sa locker upang ilagay ulit ang lahat ng mga gamit ko. Hindi ko dala ang uniform ko ngayon dahil iniwan ko na doon sa dressing room sa bar. Doon naman talaga yun. Nilabhan ko lang ang isusuot ko kaya ko iniuwi.

Nang lumabas ako ay wala akong dala kundi ang cellphone ko. Busy ako sa pag-check kung may message ba ako pero heto at muntikan na naman akong may mabunggo. Mabuti na lang at medyo aware ako.

"You're really into something, Miss Perez. Talaga bang hindi mo ako nakikita everytime na makakasalubong mo ako? Am I invisible to you?"

Si Sir Arthur na naman. Nais ko rin sanang tanungin sa kanya kung bakit sa laki naman ng daanan ay laging nakakasalubong ko siya. Pero syempre, itikom na lang ang bibig ko.

"I'm sorry, Sir. Kakagaling ko lang kasi sa locker..." hingi ng paumanhin ko na naman.

"No. This time, I won't forgive you, Magdalena..." aniya at hinila ako sa kamay palayo sa locker!