HOT NIGHT 10 [PART ONE]

PAGPASOK ni Nicole sa kanilang bahay ay hinanap agad ng kaniyang mata ang ama. Simula nang umali ang mommy niya ay hindi hinayaan ng kaniyang ama na malungkot siya, bagkus ay pinagfocus siya nito sa pagsasanay at pagbibigay lahat ng luho niya. Nakilala siya ni Isabella noong grade six sila, noong panahon na ‘yon ay marunong na siyang makipaglaban kung kaya hindi siya nagdalawang isip na iligtas ang kaibigan.

Nakilala niya ito ng tuluyan at doon ay naging matalik silang magkaibigan ngunit hindi buo. Hindi buo dahil inililihim niya ang totoo niyang pagkatao. Ang akala ni Isabella na simpleng mayaman lang ang kaniyang ama ay hindi, kaya niya ito natulungan noon sa pag bura ng CCTV dahil sa connection na mayroon silang mag-ama.

“Nasaan si daddy?” tanong niya sa tauhan na dumaan na nagbabantay maging sa loob ng bahay. Walang ibang katulong doon dahil nagpapapunta nalang sila ng once a week ng maglilinis ng bahay. Hindi pwedeng magkaroon sila ng katulong dahil hindi nila alam kung sino a