[PART TWO]

NAGISING si Isabella nang maramdaman niya ang mga titig sa kaniya. Sumalubong sa kaniya ang puting kisame kasabay ng paglinaw ng tunog ng makina na tingin niya ay nasa kaniyang gilid. Napalingon siya doon at hindi nga siya nagkamali, isa itong makina na nag momonitor sa kaniyang tibok ng puso.

"Your awake,"

Napalingon siya sa nagsalita at nakita niya ang isang lalaki na seryosong nakatingin sa kaniya, kulay brown ang buhok nito, matangos ang ilong at may pagkamaputi. Kilala niya ang lalaki, 'yon ang lalaking kasama ni Kim kanina.

"N-Nasaan ako?" babangon sana siya mula sa pagkakahiga ngunit pinigilan siya nito agad. "'Wag ka munang kumilos, baka bumuka ang tahi mo." napahinto naman siya sa sinabi nito at naalala ang tama ng bala sa kaniyang tagiliran.

"Ligtas ka na, tanggal na 'rin ang bala sa tagiliran mo." sa pangalawang pagkakataon ay ngumiti ito sa kaniya katulad ng unang kita niya dito. Hindi siya nakaramdam ng kahit na anong takot sa lalaki dahil sa ngiting iyon pero hind