HOT NIGHT 1

ISABELLA 

NAGISING ako dahil sa sakit na pumipintig sa aking pagkababae at pagdilat ko ay sumalubong saakin ang kakaibang kisame. Napakapit ako sa aking ulo ng maramdaman ko ang sakit niyon ngunit bigla ‘ring napadilat ng maalala kung ano ang nangyari kagabi. Agad akong tumingin sa aking tabi at pabalik na napahiga ako sa higaan ng makita ang lalaking hindi ko kilala. 

Kusang tumulo ang aking mga luha at napasabunot pa ako sa aking buhok dahil sa katangahan. Ano bang ginawa ko?! Hindi ko ‘din alam kung paano ko iyon nagawa basta ang alam ko sobrang init sa buong katawan ko na tila mayroong gustong lumabas. At ayun na nga, may lumabas na! Tsk. 

Nagpasiya ako na umalis ng hindi nagigising ang lalaki, pero natatakot pa ‘rin akong lumabas lalo na at baka hinahanap ako ng mga mafia na bumili saakin. Napapaisip din ako na mas okay na sa lalaking katabi ko ngayon naibigay ang aking pagkababae kaysa doon sa malaking tiyan na matandang master Shin. Pero kahit na ganon mali pa ‘rin ang ginawa ko dahil hindi ko naman siya asawa o boyfriend! 

Ingat na ingat akong bumaba sa higaan para lang hindi ito magising at matagumpay ko naman itong nagawa. Pumunta ako sa drawer nito at naghanap ng tshirt doon. At dahil malalaki iyon ay mas okay, pati ang short niya ay kinuha ko na din at nilgyan ng sinturon. Matapos kong gawin iyon ay tinignan ko siya sa huling pagkakataon hanggang sa magsawa ako sa taglay niyang kagwapuhan. 

Oo na, gwapo siya aaminin ko ngunit di pa ‘rin magbabago ang katotohanan na nakakahiya ang ginawa ko. Lumabas ako ng kwartong iyon ngunit sakto na may nakita akong sumbrelo na nakasabit sa may gilid ng pinto kaya agad ko iyong kinuha at sinoot. Sumalubong saakin muli ang mahabang hallway at this time sa elevator na ako sumakay pababa ng hotel. 

Walang pumapansin saakin dahil sa sobrang busy ng mga tao nakakasalubong ko na mas okay. Pero hindi ako pwedeng manatili na walang gagawin, kailangan kong tawagan ang kaibigan ko na si Nicole para matulungan ako sa gusot na ginawa ko. Naghanap ako ng maaari kong mapaghiraman ng cellphone upang makitawa. 

Maya-maya ay may nakita ako isang ginang na may dalang baby sa stroller at muka itong mabait kaya siya na ang nilapitan ko. “Excuse me ma’am, pwede po ba akong makitawag importante lang po kasi nawala ang phone ko.” ngumiti siya agad saakin. “Oo naman hija, ito oh.” Nakahinga ako ng maluwag dahil doon. Mabuti nalang at mabait talaga siya at pinahiram ako kung hindi katapusan ko na. 

Agad kong tinawagan ang aking kaibigan ngunit sa unang tawag ko ay hindi niya ito sinagot. Naalala ko na hind inga pala nasagot ng number lang ang babaeng iyon kaya tinext ko siya at sinabing ako ‘yon. Tatawagan ko na sana siya ng biglang tumawag si Nicole kaya dali-dali ko itong sinagot. 

“Nicole!” 

“Ella! Nagpalit ka ba ng number mo?” bungad nito saakin. “Nic, wala na akong oras. Wala ang phone ko puntahan mo ako dito sa—” napahinto ako ng diko nga pala alam ang name ng hotel. Napatingin ako sa ginang na hiniraman ko ng phone at lumapit dito. “A-Ah eh pwede po bang tanungin kung nasaan tayong hotel?” ngiti kong tanong. 

“Oo naman, nasa Okada hotel tayo.” Gusto kong mapanganga dahil sa sinabi nito at halos manlumo ako dahil doon. Napakalayo ng Okada sa tinitirhan namin ni Nicole! “Okada? Hoy babae ka nandito ako! Anong ginagawa mo sa Okada?!” parang nabuhayan ako sa aking naring at pasumandaling nawala sa ala-ala ko na mayaman nga pala ang kaibigan ko. 

“Jusko, salamat Nicole! Puntahan mo ako dito sa lobby bilisan mo!” pinatay ko na ang tawag dahil nakakahiya na sa ginang at ibinalik ito. “Maraming salamat po sobrang laking tulong!” ngumiti saakin ang babae at umalis na. Naupo ako sa isa sa mga sofa na andoon at hindi mapakali ang aking paa dahil sa sobrang kaba habang inaantay si Nicole. 

“Is there anything wrong ma’am?” nagulat ako ng magsalita ang isang staff na lumapit saakin. Hindi ko alam ang sasabihin ko! “There’s nothing wrong miss. She’s with me,” biglang mayroong nagsalita na ikinalingon naming pareho at nakahinga ako ng maluwag ng makita ang napakaganda kong kaibigan na si Nicole! “I’m sorry ma’am, enjoy your stay.” Nag bow ang babae saamin na nakasoot ng uniform nila na red. Sabagay puro red ang nakikita ko sa paligid e, red flag na red flag. 

“Anong ginagawa mo dito?!” sermon na bulong saakin ni Nicole, gusto ko ng umiyak sa harapan niya ngunit hindi ko muna ginawa dahil kailangan naming ng tahimik na lugar. “Nic wag dito, doon tayo sa tahimik na lugar.” Alala kong sabi habang tumitingin sa paligid. “I know a place!” hinawakan niya ang kamay ko at hinila niya ako papunta sa kung saan. 

Doon ko lang napagmasdana ng soot ni Nicole. Nakasoot siya ng crop top na na pinatangan ng makapal na jacket at high waisted na pantalon na itim. Di naman siya nilalamig no? Sabagay airconditioned kasi dito. Pumasok kami sa isang restaurant and still puro pula pa ‘rin ang nakikita ko. Naupo kami sa gintang parte ngunit wala naman gaanong iba pang tao kaya ayos lang. 

U-morder muna si Nicole at hinarap ako. “Sabihin mo na bilis!” napabuntong hininga ako dahil sa sinabi nito. “H’wag kang mabibigla Nic, Hinahabol ako ng mga masasamang tao. Nagising ako isang gabi na may pumasok sa bahay hanggang sa hinabol nila ako, may mga putok pa ng baril hanggang sa mawalan ako ng malay. Nang magising ako ay nasa isang auction ako at ibinenta ako sa halagang 20M! Tapos napaka pangit at tanda na malaki pa ang tiyan ng nakabili saakin. 

Hindi ko talaga alam gagawin ko ‘nun mabuti at tinulungan ako ni ate May na kasama ko sa auction at ibinigay saakin ang pepper spray pagkatapos ay nakatakas ako sa matandang panget na yun, ang kaso pumasok ako sa isang suite ng hindi ko kilala at may nangyari saaming dalawa.” 

Napatakip ako sa aking muka dahil sa mahabang paglalahad sa nangyari at dahil na ‘rin sa sobrang stress na nararanasan ko. Hindi ko na alam ang gagawin ko. “Ang galing, kakabasa mo ‘yan ng mga libro Ella.” Agad kong naalis ang kamay ko sa aking muka at sumalubong sa kaniya ang mga masasaganang luha na kagabi ko pa pinipigilan. “Muka ba akong gumagawa ng kwento Nicole?!” 

Saktong dumating ang pagkain namin kaya napaiwas ako ng tingin at pinunasan ang aking mga luha. “Huy! Sorry na Ella, hindi lang ako makapaniwala dahil sa sinabi mo. Paanong hinahabol ka ng masasamang tao?!” tanong niya saakin ng makaalis ang mga waiter kaya napatingin ako sa kaniya. “Narinig ko na sabi ay pambayad daw ako sa utang nila mama at papa, hindi ko akalain na ipapambayad nila ako.” 

Hindi ko maiwasan na malungkot dahil doon, mahal na mahal ko ang magulang ko kahit pa na medyo iba ang trato nila saakin sila pa ‘rin ang magulang ko. “Hindi ka na ngang trinatratong tama ibinenta ka pa! Dapat ‘yung kapatid mong masama ang ugali nalang ang binenta nila!” inis na sabi ni Nicole. Hindi ko siya masisisi dahil mainit ang dugo saakin ni Kim pero kahit ganon ‘yun alam kong di naman siya gagawa ng ikakasama ko. 

“Nic naman, siya na nga lang nag-iisa kong kamag-anak e.” inalis ko ang sumbrelo ko at nagsimula ng kumain dahil nagugutom ako. “Kamag-anak, e bakit hinanap ka ba manlang niya? Wala diba? Sa kwento mo ilang araw ka ng wala tapos di manlang siya nagtanong saakin gayong ako lang naman ang kaibigan mo!” natahimik ako dahil sa sinabi niya. May punto siya doon, hinahanap kaya ako ni Kim o hindi? Wala kasi siya sa bahay ng mangyari ang gulo, baka natakot ‘yun at dina ako hinanap pa. 

“Hayaan natin siya, ang mahalaga ay matulungan mo ako na mabura ang CCTV ngayon at kahapon. Hindi pwedeng makita nila ako Nicole!” napaseryoso naman si Nicole dahil sa sinabi ko at dali-daling kinuha ang kaniyang cellphone at may tinawagan. Tinuloy ko ang aking pagkain dahil gutom na gutom na ako feeling ko ilang araw akong di kumain. “Hello? I want you to hack the CCTV footage here at Okada hotel— Yes, last night and today— Yes, please. Thank you.” Napatingin ako sa kaniya ng ibaba niya ang telepono. 

“Okay na, bilisan mong kumain dahil magkakaroon ng shut down sa kuryente as part of the hacking system. By that time dapat makalabas na tayo dito.” Napangiti ako dahil sa sinabi ni Nicole. “The best ka talaga Nic Salamat, utang ko sa’yo ang buhay ko!” inirapan niya ako dahil doon. “Wag ka nga jan! Hindi ka pa ligtas kaya kailangan nating makaalis dito.” 

Tumango ako sa sinabi niya at nagpatuloy sa pagkain. “May soot na malaking t-shirt at malaking short na panlalaki at sumbrelo na kulay itim.” Napaupo ako ng maayos ng marinig ko iyon sa walkie talkie ng dumadaan na security. “Copy that sir,” nagulat ako ng biglang ihagis saakin ni Nicole ang kaniyang jacket at nakuha ko agad ang ibig niyang sabihin kaya sinoot ko iyon ng madalian at umarte na parang wala lang. 

“Negative sir,” maya-maya pa ay banggit ng security na nasa likuran ko lang. Narinig ko ang paglalakad nito paalis na ikinahinga ko ng maluwag. “Hinahanap na niya ako!” nanlalaki ang matang sabi ko kay Nicole sa pabulong na paraan. “We really need to get out of here! Baka kunin ka pa saakin nung naka one-night-stand mo.” Sinamaan ko ng tingin si Nicole dahil sa sinabi niya pero sabay kaming napatili ng biglang mamatay ang ilaw. 

“Now Ella!” naramdaman ko ang pagkapit niya sa kamay ko at hinila ako nito papunta sa kung saan. Wala akong alam sa Okada hotel dahil hindi pa naman ako nakakapunta dito at iyon ang unang pagkakataon na nakatapak ako dito. Matapos lang ang halos tatlong minutong pagtakbo ay nakalabas kami ng hotel at nakita ko na nasa isang eskinita kami. 

“Dito tayo!” seryosong-seryoso si Nicole na tila alam na alam niya ang daan. Sabagay matalino naman kasi talaga si Nicole pero hindi naman ako papahuli, sadyang magaling si Nicole sa usaping labanan dahil ang daddy niya ay isang sundalo. Maya-maya ay mayroong kotse na huminto sa aming harapan at binuksan niya iyon. 

“Pasok na Ella bilis!” agad akong tumalima dahil doon at pumasok na din sa loob. 

*** 

“ARE you telling me that we lost her?!” 

Dumagundong ang malakas na boses ni R sa CCTV room kung saan ay naisip niya na iyon ang tanging paraan para makita niya ang babae na nakasama niya ilang oras lang ang nakakaraan. Nagising siya na wala na ito sa kaniyang tabi at tanging ang damit lamang nito ang naroroon ngunit nawawala ang isa niyang damit at short na hinula niyang soot ng babae. 

“S-Sir hindi namin maintindihan dahil biglang nawala ang mga CCTV footage simula kagabi.” Napahilot sa sintido niya si R dahil sa narinig. 

Siya si Ryc o mas kilala ng marami bilang R Garcia, isa siyang mayaman, masungit at walang emosyon na CEO ng malaking kumpanyan sa buong mundo. Hindi niya akalain na sa dinami-dami niyang nakasama sa iisang kama ay hahanapin niya ang babaeng hindi naman niya kilala. 

“R, hindi kaya na-hacked ang CCTV footage?” bulong sa kaniya ng kaibigan na si Dexter, ang kaniyang sekretarya na pinakang pinagkakatiwalaan niya sa lahat ng bagay. Napaisip naman siya dahil sa sinabi nito. Naalala niya na iyon ang babaeng nabili sa auction ni master Shin, balak niya talagang bilhin ang babae dahil muka pa itong bata at walang kamuwang-muwang sa nangyayari ngunit ng mag bid si master Shin ng 20M ay ibinigay niya ito sa kadahilanang alam niyang maaaring maubos ang pera ng katunggali at kung sakali ay maaari niya itong mapabagsak. 

Agad na umalis si R sa silid na iyon habang sumunod si Dexter sa kaniya. “Imbestigahan mo ang Silver Tag Organization, siya ‘yung babaeng nabili ni master Shin.” Gulat na napatingin si Dexter kay R at maya-maya pa ay napatawa ito na may halong pang-aasar. 

“Sabi ko na nga ba may something sa babaeng ‘yun e! ‘Yun ang unang beses na sumali ka sa biding R! Hindi kaya siya na talaga ang para sa’yo?” nang-aasar na sabi ni Dexter sa kaniya. “You’re right, siya na ang para saakin at lahat gagawin ko para mahanap siya. Kaya kapag dimo siya nahanap malalagot ka saakin.” Napahinto sa paglalakad si Dexter dahil doon at napanganga na nakatingin sa likod ng kaibigan na papalayo na sa kaniya. 

Hindi niya akalain na darating ang araw na tuluyang matatamaan si R sa isang babae. Sobrang ilap kasi nito sa mga kababaihan na minsan inaakala na niyang bakla ito ngunit ngayon ay napatunayan na niyang hindi. Napatunayan niya ‘rin na kakaiba itong magmahal. Sabagay, talagang kakaiba dahil siya ang nag-iisang ranked 1 sa under world na tinatawag ng lahat na mafia boss. 

“R, hintayin mo ako!”