Chapter 4

Elyse's POV

Hindi ako nakagalaw sa kinatatayuan ko. Ngayon, napagtanto ko na ang lahat.

"Ano ba?! Bitawan mo ako! Babe! Tulungan mo ako!" Sigaw ni Naomi.

Mabilis na sumunod si Jake sa kanila para tulungan si Naomi, "Hoy, matanda! Bitiwan mo siya!"

Malinaw na sa akin ngayon. Si Naomi, ang kapatid ko, siya ang babae ni Jake... Plinano nilang ibigay ako sa matandang 'yon para palabasing niloko ko si Jake kahit na sila naman talaga ang nanloko sa akin!

"Tsk, stop crying." I looked weary at the man in front of me.

Ngunit nang magkasalubong ang mga mata namin ay bumaba ang kaniyang malamig na tingin sa aking leeg.

"I'm sorry, I couldn't help myself from marking my own property." Seryosong sabi niya na nagpabilis ng tibok ng puso ko.

___________________

"Elyse, are you okay?!" Mabilis akong inalalayan ni Rein ng bigla akong napahawak sa table nang mawalan ako ng balanse sa katawan. Sinapo ko ang ulo ko ng biglang umikot ang paningin ko. Napapikit ako sa sobrang pagkahilo.

Nandito ako ngayon sa restaurant kung saan ako nagtatrabaho bilang waitress.

"Sobrang putla mo, Elyse! May sakit ka ba?" Natatarantang sabi ni Rein na bahagya kong ikinatawa. Minulat ko ang mga mata ko at tipid na ngumiti sa kaniya para pakalmahin siya.

"I'm fine... pagod lang siguro," paliwanag ko. Pero nanliit ang mga mata niya na para bang inobserbahan niya ang bawat galaw ko.

"Ilang araw ka ng ganyan, nagpacheck-up ka na ba?" Marahang tanong niya.

"Hindi naman kailangan—" hindi ko pa natatapos ang sasabihin ko ng biglang bumaliktad ang sikmura, mabilis akong napatakbo sa banyo para sumuka.

"Elyse!" Rinig kong tawag ni Rein sa likod ko.

Nangilid ang luha sa mga mata ko. Hindi ko alam kung ano na ang nangyayari sa katawan ko. Halos naisuka ko na ang lahat ng kinain ko kaninang umaga pero naduduwal pa rin ako, kulang nalang ay pati ang mga lamang loob ko ay maisuka ko na.

“God, what’s happening to me?” Naiiyak kong bulong sa sarili ko.

Hindi ko na alam kung ano’ng nangyayari sa katawan ko. Ilang araw na simula nang magsimula ang pagduduwal ko. At kahit wala naman akong ginagawang mabibigat o trabaho ay pakiramdam ko ay hinanghina at pagod-pagod ako.

Ano bang nangyayari sa akin?

Natigilan ang buong katawan ko nang may pumasok sa isipan ko.

Hindi kaya...

"Elyse, buntis ka ba?!" Nanlaki ang mga mata ko sa tanong ni Rein. Nasa likod ko na siya ngayon.

Kinagat ko ang pang-ibabang labi ko at marahang umiling, "H-hindi ko alam..." Nanghihinang sabi ko.

3 weeks na simula ng may mangyari sa amin noong lalaki sa hotel at mahigit isang linggo na ring delay ang menstruation ko...

Nagpaalam ako kay Rein na umuwi dahil wala pa ang manager namin, pero nang makapasok ako sa kotse ko ay mabilis ko itong pinaandar papunta sa hospital.

"Congratulations, Ms. Leviste! You're 3 weeks pregnant." Sabi ng doctor pagkatapos lumabas ang lab results ko.

Mabilis na nangilid ang mga luha sa mata ko. God, paano ko 'to sasabihin kay Dad?

Naomi's POV

Tsk! Pagkatapos naming pumalpak ni Jake sa plano naming ibigay siya sa matandang 'yon, hindi ko na alam kung paano pa siya sisirain sa Daddy niya! 21 na si Elyse, sigurado akong anytime ay pwede nang ilipat ng step-dad ko ang kompanya sa pangalan niya kaya habang hindi pa nangyayari 'yon, kailangan ko nang gumawa ng paraan para mapaalis siya rito sa bahay o kahit magalit man lang sa kaniya ang Daddy niya.

Habang naglalakad ako sa hallway ng aming bahay ay nakita kong medyo bukas ang pintuan ni Elyse, simula nang mangyari iyong sa hotel ay hindi na ako kinakausap ni Elyse kaya mas lalo akong nahihirapang sirain siya.

Nandito ba siya sa kwarto niya?

Dahan-dahan kong binuksan ang kwarto niya para tingnan kung nandoon siya pero walang tao.

Napangisi ako, mabilis akong pumasok sa kwarto niya at nagtungo sa mga gamit niya pero nang makita ko ang isang envelope na nakapatong sa side table niya, napunta roon ang atensyon ko.

Naglakad ako papunta sa kama niya at kinuha ang envelope.

"Ano 'to?" Tanong ko sa sarili ko.

Pero pagkabukas ko ng envelope ay nanlaki ang mga mata ko.

It's an ultrasound results!

Buntis si Elyse!

Napangisi ako. Ito ang kailangan ko para masira siya! Mabilis kong kinuha ang cellphone ko para picturan ito.

"Ano'ng ginawa mo rito?!" Napalingon ako kay Elyse na kakapasok lang ng kwarto. Nang makita niya ang hawak ko ay namutla siya. Mabilis siyang naglakad palapit sa akin para agawin ito.

"Bitawan mo 'yan!" Galit niyang sabi pero ngumisi lang ako.

"Walang nangyari sa inyo ng panget na matandang 'yon pero nabuntis ka?" Natatawang anas ko.

Kitang-kita ko ng pamumula ng mga mata niya sa sinabi ko na mas lalo ko pang ikinatuwa.

"Ano nalang ang sasabihin ni Dad pag nalaman niya 'to? Sigurado akong ikakahiya niyang may anak siyang tulad mo!" Halakhak ko.