Chapter 6

"Can I ask you a question?" Wika nito ngunit nanatili akong tahimik.

"Kung ikaw ang nasa kalagayan ko, anong gagawin mo? Papalayain mo na lang ba?" Seryosong tanong nito.

Hindi ko alam ang sasabihin ko dahil siguradong ang ine-expect nitong sagot ay iyong parehas namin iniisip. Hindi ko masisisi ito dahil kung ako ang nasa kalagayan nito ay talagang magagalit ako at gagawin ko ang lahat para lang maparusahan ang taong nagnakaw sa akin.

"Siguradong naiintindihan mo ako, Ms. Serina." Wika nito kaya lalong hindi ako nakapagsalita.

"And you'll gonna pay for what you did to me," Walang emosyon nitong saad kaya naangat ko ang tingin ko rito na may takot.

Kung bakit ba kasi naakit ako sa ginto niya? Kung tinuloy ko sana ang plano ko, I'll be living peacefully in heaven. Teka—langit nga ba?

Magsasalita na sana ako nang bumaba ang asungot na nakasagutan ko kanina. Nakasimangot itong nakatingin sa akin na tila ba gusto na nito akong patayin.

"Hey, bro! Your slut slapped me! Pwede ko bang patayin 'yan?" Sambit nito sa lalaking kaharap ko at inakbayan ito. Agad naman tinabig ng lalaki ang kamay nito na lalong nagpasimangot sa kanya.

"Alam kong may rason kung bakit niya ginawa sayo iyon. I know you, Hebrew." Walang emosyon nitong wika at naglakad sa dining area. Samantalang ako ay nakatayo lang at hindi alam ang gagawin.

"Ms. Serina," Napapitlag ako nang tawagin ako nung Dark na ngayon ay nakaupo na.

"H-Ha?" Iyon na lang ang nasagot ko dahil sa kaba. Itinuro nito ang isa sa mga bakanteng upuan na tila ba iniimbitahan ako nitong makisalo sa kanila.

Dahil sa takot ay lumapit ako rito at umupo na lang bigla. Kanina ko pa kasi nararamdaman ang nanginginig kong tuhod na bibigay na.

"Anong balak mo ba sa babaeng 'to, Dark? And when did you care to your slut na handa mo pang pakainin at isabay sa atin?" Inis na tanong nung Hebrew. Hindi ko tuloy maiwasan samaan ng tingin ito dahil sa pagtawag nito sa akin na slut.

Bigla na lang itong natahimik ng lumingon si Dark sa kanya. Tila ba natakot ito sa paraan lamang ng pagtitig nito.

"I don't bring sluts in my house, Hebrew. And can you please shut up? She's a thief, okay?" Paliwanag ni Dark rito. Napapikit na lang ako sa inis dahil sa narinig.

"Tsk, whatever." Walang pakialam na sambit ni Hebrew at pabagsak na sumandal sa upuan.

Maya-maya lang ay may dumating na mga chef at isa-isang nilagay ang mga nakakatakam na pagkain. Hindi ko maiwasang mapalunok at humawak sa aking tyan dahil kagabi pa pala ako hindi kumakain.

"Thank you, Chef Ben." Rinig kong wika ni Dark.

Nakatitig lamang ako sa pagkain ngunit hindi ko alam kung kakain ba ako.

"Hindi ako kakain ng mga 'to. Tama! Baka ito yung paraan para patayin ako ng mga 'to!" Bulong ko sa sarili at umiling.

Tinignan ko ang dalawang lalaki na ngayon ay masarap na kumakain sa harap ko. Napapalunok na lang ako tuwing sumusubo sila ng pagkain. Lumingon sa akin si Dark na may pagtataka.

"Are you going to starve yourself?" Inosente nitong tanong.

"Oo, b-baka pinalagyan mo ito ng lason eh," Kinakabahan kong wika. Tinitigan ako nito ngunit maya-maya lang ay bahagyang tumayo ito upang abutin ang pagkain ko. Nabigla ako ng kumuha ito sa pagkain ko at tinikman.

"I respect food the most. Huwag kang mag-alala, hindi ganito ang parusa mo. I am more ruthless than this, Ms. Serina."