Chapter 8

Napangiti ako at humalukipkip sa tuwa.

"Iyon lang ba ang gagawin ko? Okay! Sobrang dali lang naman pala," Natatawang lintanya ko at napailing. "Meron naman palang magandang paraan para mapatawad mo ako eh," Sambit ko pa na siyang nginisian niya lang na tila amused sa naging reaksyon ko.

"Ano bang business mo? Baka matulungan pa kita dyan," Nakangiti kong saad at itinaas baba pa ang kilay ko.

Tumikhim ito at ngumiti sa akin ng bahagya.

"Are you sure you'll gonna help me?" Tanong nito na may kakaibang ngiti kaya tumango ako.

"Oo naman! Ang dami ko ng trabaho na napasukan, maski ang business world ay pinasok ko na rin kaya kahit papaano ay may alam ako sa business," Nakangiti kong wika. Tumango ito sa akin na may kakaibang ngiti na hindi ko na lang pinansin sa sobrang tuwa. Feeling ko kasi, lahat ng mga paghihirap na ginawa ko sa buhay ay may mararating na.

"Hmm, okay. There's something I need you to do tomorrow regarding my business," Sambit nito na agad kong tinanguan.

"Sure!" Masayang lintanya ko.

"Kapag nagawa mo ang ipapagawa ko sayo bukas, all the money you stole from me will be yours again." Biglang nanlaki ang mata ko sa sinabi nito dahil sa hindi makapaniwala.

"S-Seryoso ka ba?!" Gulat na sambit ko. Tumango ito at bahagyang tumaas ang sulok ng kanyang labi. Bigla tuloy akong nagduda sa trabahong pinapagawa nito sa akin kaya tinignan ko ito na may nanliliit na mata.

"Mahirap ang ipapagawa mo 'no? Is this something I can't achieve?" Tanong ko ngunit hindi nito sinagot ang tanong ko.

"Malalaman mo ang lahat bukas. Sa ngayon, I will let you relax and rest," Matapos nitong magsalita ay pinaalis na ako.

Dahil wala naman akong magawa at hindi ko naman ito mapilit ay hinayaan ko na lang ang sarili kong maglibot muna sa napakagandang bahay ni Dark.

"Matatawag ba itong bahay? Mansyon na ito eh," Wika ko sa aking sarili at umiling.

Prente akong naglibot sa mansyon ni Dark na nagpapagod sa akin ng husto. Sa lawak at laki kasi nito ay hindi mo talagang maiwasan at mapagod. Hindi ko rin naman nalibot lahat dahil naboring rin ako sa pagtingin sa paligid kaya napagpasyahan kong lumabas upang makalanghap ng sariwang hangin.

Bigla akong napaisip sa katauhan ni Dark habang naglalakad.

"Mayamang gangster ba siya?" Tanong ko sa aking sarili ngunit agad rin akong umiling.

"Baka business man lang. Sabi nga niya madami siyang pinupuntahang business eh," Sambit ko ulit at tumango ngunit agad ulit akong nagsalita.

"Pero may baril siya eh! Baka gangster talaga siya! Pero kasi marami ring kalaban mga business man?" Pagkausap ko sa aking sarili na tila nalilito.

Napahinto ako sa pagsasalita at sa paglalakad nang makarating na pala ako sa bandang likuran ng mansyon ni Dark. Sa damuhan ay may napansin akong parang itim na likido kaya nilapitan ko ito na may kunot ang noo.

Nanlaki ang mata ko nang mapagtanto kong dugo ito. Nanginginig na hinawakan ko ito upang kumpirmahin at nang makita ang pula sa aking kamay ay hindi ko maiwasang mapatakip sa aking dibdib sa gulat. Hinanap ko ang trace ng dugo at nakita ko ang tinubuan na ng damo na parang pinto sa sahig kaya hindi ko maiwasang ma-curious ngunit nang hahawakan ko na sana ito at iaangat ay may biglang nagsalita na nagpatili sa akin sa gulat.

"Your curiosity will kill you."