Chapter 36

Mischell's POV

Lumabas na ako ng cr na iyon matapos ng ilang minuto kong pagtatago, hindi ko alam kung ano na ang mangyayari ngayon dahil sa kumakalat na litrato namin ni prof pero bago pa ako mawalan ng lakas ng loob kailangan kong harapin ito dahil alam ko naman ang pagkakamali ko, pero bago harapin ang kasalanang nagawa ko sa paaralan na ito gusto ko munang alamin kung sino man ang nagtraydor sa akin —na mga itinuring ko nang kaibigan.

Nagmistula akong bingi at hindi pinakinggan ang bulungan ng mga istudyante tungkol sakin habang tinatahak ko ang corridor patungo na sa room namin dahil alam kong nandoon sila Nath.

Kaya naman pala nagso-sorry ito sa chat kanina ay dahil sa post na iyon. Kung mas maaga lang siguro akong pumasok sana maaga ko rin nalaman ang tungkol rito.

Nakayuko akong naglalakad dahil pakiramdam ko sirang-sira na ang pangalan ko sa buong university dahil sa iskandalo sa post.