8. HINDI KA SI OLIVIA

A Week Later:

Nang araw na iyon ay maaga akong nagising. Hindi ako bumaba upang sumabay sa kanila sa agahan kahit na ipinatawag ako ng Chairman. Sinadya ko silang hindi sundin upang mas lalo pa silang maguluhan. Matapos ang isang linggo, at ginulat ko silang lahat sa naiibang paglitaw ko sa investors event ay hindi na ako muling nagpakita sa kanila. Umuwi ako sa mansiyon ng mga magulang ko at kagabi lamang ako bumalik sa mansiyong ito. Naroon ako sa coridor ng malaman kong nasa dining area na ang buong miyembro ng pamilya. Nakakubli ako at lihim kong pinagmamasdan ang bawat isa sa kanila.

"Nasaan na naman ba ang asawa mo?" tanong ng Chairman, ama ni John.

"Narito po ako Papa," sagot ni Helena.

"T*n*a! Hindi ikaw ang inutukoy ko! Ni hindi mo nga nagawang makiharap sa mga investors kagaya ng ginawa ni Olivia! Ngayon ay puring-puri siya ng bawat share holders ng kumpanya. At ang bawat isa sa kanila ay hinahangaan siya at hinahanap!" sigaw ng matanda. Samantalang ako ay lihim na nangingit