Kabanata 37 (Part 3)

"ATE, naistatwa ka na diyan."

Nagbalik ako sa huwisyo dahil nang marinig ko si Jastro. Napakurap ko ako at binalingan ang kaibigan ko. Nakita kong papasok na ito ng bahay. Napalunok ako nang makita ko si Kevyn na seryoso lang na nakatingin sa akin. Hindi ko alam kung tama ba ang nakita kong simpleng ngiti na nakita ko sa labi niya. Inayos ko muna ang sarili ko bago naglakad para sundan sila.

Dahil nabasa ng pawis si Kevyn, pinahiram siya ni Jastro ng jersey nito. Pumwesto na ako sa bakanteng upuan habang nagbibihis si Kevyn. Hindi naman kasi pwedeng hindi siya magpalit dahil baka magkasakit siya kapag natuyuan ng pawis.

Mayamaya'y lumabas na ng banyo si Kevyn. Napatingin ako sa kaniya at agad ding umiwas. Bigla akong nakaramdam ng hiya dahil baka nakita niyang natulala ako sa kaniya kanina. Umupo siya sa katabi kong upuan dahil iyon na lang ang bakante. Nakaramdam ako ng kakaibang pagkailang.

"Kain na tayo," deklara ni Mama ng makaupo na si Kevyn. Binalingan nito si Kevyn. "Ito, Sir