CHAPTER 7

Samantalang nakita ni Victoria ang rumehistrong numero ng kanyang TIta Ella.

“Yes, TIta…” Hindi siya makapagsalita sa kabilang linya. Hindi niya masagot kaagad. Tinatanong kung kumusta ang kanyang job interview. “Sa bahay na lang po." Wala siyang ganang magkuwento habang nasa loob ng elevator. Siksikan pa naman sa loob. Medyo malungkot ang balita.

“We will call you, Miss Beckham.” Iyon ang sabi ng babae. Kapag ganoon ang tuno ng salita ay nakatitiyak si Victoria na wala siyang tsansa na makuha ang trabaho.

Dismayado si Victoria paglabas ng Mondragon Company. Kumbakit naman kasi inatake na naman siya ng kanyang pagiging palaban. Naiinis siya sa sarili dahil sa mga prinsipyong ipinaglalaban niya tungkol sa mga sekretarya. Mukhang napagbuntunan pa niya ng inis ang CEO na nag-interview sa kanya. Gusto lang niyang linawin na hindi porke’t secretary ay mistress na kaagad. Bakit kasi si Carlo pa ang naisip niya? Bakit kasi may pa-text-text pa siya sa kanya, early in the morning at may gana