Sinundan ng tingin ni Sarah si Jessica, ang kaibigan niya. Para itong pusa na hindi matae, panay ang labas-pasok nito sa bahay. Nahihilo siya habang pinagmamasdan ito. “Jessica, puwede bang pumirme ka sa isang tabi?” Nakabalik na siya mula sa Rizal.
“Ano bang dapat na ibigay ko sa kanila?” wala sa loob na tanong nito.
Nagsalubong ang kaniyang kilay. “Regalo ba ‘yon? Para kanino?”
“Ngayon lilipat ‘yong bago nating kapitbahay. Gusto ko sana silang bigyan ng kahit na ano para ma-feel nilang welcome sila rito.”
Sa pagkakataong ‘yon ay umarko naman ang kaniyang kilay. “Kailan ka pa nag-abala na i-welcome ang bagong boarder ni Aling Nena?”
Walang nagtatagal na boarder ang matandang babae dahil napakasungit nito. Sanay na sila na buwan-buwan na may umaalis at dumarating na nangungupahan. Nagtataka siya kung bakit gusto pa itong i-welcome ni Jessica.
“For a change!” malapad ang ngiting tugon nito. “Malay mo naman, tumagal sila rito dahil sa pag-welcome ko sa kanila.”
May naaamoy siyang kakaiba sa kaibigan, mukhang may ulterior motive ito. “Huhulaan ko, binata ang lilipat sa kabila?” Bakante ang katabi ng unit nila.
Impit na tili ang naging sagot ni Jessica. Tumalon-talon ito at hindi pa nakuntento sa ginawa, nagpagulong-gulong ito sa sahig. Mistula itong isang bulate na binudburan ng asin.
“Baliw!”
Umayos ito ng upo at tumabi sa kaniya nang mahimasmasan. “Nakakabaliw naman kasi ang itsura ng dalawang ‘yon, lalo na ‘yong tisoy.” Muli itong nagpakawala ng tili. “Actually, para siyang artista; matangkad, guwapo, maputi, makinis, parang anak-mayaman. Bagay kaming dalawa! Pero bagay rin kami no’ng isa.”
Napailing siya. Ano namang gagawin ng isang anak-mayaman sa lugar na ‘yon? “Guni-guni mo lang ‘yon.”
Tumayo ito sa harapan niya at namaywang. “Excuse me, for your information, nakita ko sila sa malapitan at nakausap,” pagmamalaki nito. “Noong rest day mo at dumeretso ka sa Rizal, ‘yon ‘yong araw na napadpad sila rito pero naunang umalis ‘yong moreno at nagpaiwan ‘yong tisoy pero nagmamadali ring umalis pagkatapos makausap si Aling Nena. Papasikat pa lamang ang araw nang magtagpo ang landas namin.”
“Ah, kaya naman pala. Sigurado akong inaantok ka no’n dahil galing ka sa trabaho.”
Nagkakilala silang dalawa ni Jessica nang mag-apply siya sa call center. Sabay silang natanggap sa trabaho at pareho ang account na napasukan, pero magkaiba sila ng team at oras ng trabaho. Naging matalik silang magkaibigan at nagpasyang umupa ng apartment malapit sa office.
“Hoy, malinaw na nakita ng dalawang mata ko ang kaguwapuhan at kakisigan ni tisoy!”
“Fine!” Nagkibit-balikat siya. “Bahala ka kung gusto mong magpa-cute sa kaniya pero…” Sinadya niynag ibitin ang nais sabihin.
“Pero?”
“Bawal magpapasok ng lalaki rito, doon ka lumandi sa unit nila.”
Umawang ang bibig nito at matagal bago nakabawi sa kaniyang sinabi. “Nahawa ka na kay Aling Nena!” bulyaw nito. Tinawanan niya lang ang kaibigan.
MADILIM ang paligid. Hindi sapat ang liwanag na nagmumula sa poste ng mga ilaw sa kalsada upang masabi niyang maliwanag sa kaniyang dinaraanan. Walang masyadong tao dahil malapit nang maghating-gabi. Twelve midnight kasi ang duty niya kaya tatlongpung minuto bago mag-alas-dose ay umaalis na siya sa apartment. Siya lang mag-isa ang naglalakad sa footbridge.Sa tatlong taong pagtatrabaho niya sa call center, sanay na siyang umuwi at pumasok ng alanganing oras. Sa awa ng Diyos, wala namang nangyaring masama sa kaniya. Kahit papaano ay mayroon namang nakatokang pulis sa lugar na ‘yon maging sa vicinity ng pinagtatrabahuan niya kaya kampante siyang pumasok sa ganoong oras, pero hindi sa gabing ‘yon.
Pakiwari niya’y may sumusunod sa kaniya simula nang lumubas siya ng bahay. Sinubukan niyang lumingon sa likuran pero wala naman siyang nakita. Binilisan na lamang niyan ang paglalakad. Mabuti’t ligtas siyang nakarating sa office.
Ang akala ni Sarah ay nagkaton lang na parang may sumusunod sa kaniya pagpasok sa opisina, pero hanggang sa kaniyang pag-uwi ay ganoon pa rin. Luminga siya sa paligid ngunit wala naman siyang nakitang kahina-hinalang tao. Nagkibit-balikat siya.
Muling sumapit ang gabi. Kinakabahan siya dahil sa nangyari nitong nagdaan, pero kailangan niyang tatagan ang loob. Nilagay niya ang cell phone sa harapang bulsa ng suot na brown hoodie. Sinadya niyang hindi i-lock ang phone at naka-dial na ang numero ng pulisya. Pipindutin niya na lang ang call button kung sakaling may manakit sa kaniya.
Ilang minuto na rin siyang naglalakad nang maramdaman niyang may sumusunod sa kaniya. Lumingon siya sa likuran, sa pagkakataong ‘yon ay may nakita siyang lalaki. Nakasuot ito ng itim na cap, jacket, at jeans. Nakaramdam siya ng kaba kaya tumakbo siya paakyat ng footbridge. Hingal-kabayo siya nang makarating sa taas. Muli siyang lumingon sa likuran, nakahinga siya nang maluwag nang hindi na makita ang lalaki.
Normal na ang kaniyang lakad nang may matanaw siyang pulis sa di-kalayuan, pero hindi hindi nabawasan ang kabang kaniyang naramdaman hanggang sa makarating siya sa building. Pagpasok niya sa elevator ay pumuwesto siya sa pinakasulok na bahagi at sumundal doon. Nawala sa isip niya na pindutin ang floor kung saan siya bababa. Kikilos na sana siya nang biglang may pumasok na lalaki.
Kulay itim ang suot nito mula ulo hanggang paa. Maputla ang mukha nito na waring hindi nasinagan ng araw. May hawak itong footlong at kape. Hindi kaya ito ang sumusunod sa kaniya?
“Miss, anong floor mo?” tanong nito nang mapansin na hindi pa pumipindot ang dalaga. “Miss?” untag nito at tinitigan siya sa mukha.
Humalukipkip siya at pinagtaasan ito ng kilay. “Mind your own business.” Wala siyang tiwala sa hilatsa ng mukha nito.
Bumukas ang bibig nito ngunit walang lumabas na salita mula roon. Inalis nito ang tingin sa kaniya at saka pinindot ang 19th floor. Nakabibinging katahimik ang namagitan sa kanila hanggang makarating sa 6th floor, kung saan marami ang sumakay na nanggaling sa pantry.
Napuno ang elevator at nagmistula silang isda sa loob ng lata. Napaatras ang lalaki papunta sa kinatatayuan niya hanggang sa tuluyan na silang nagkatabi. Bahagya itong nakatagilid paharap sa kaniya. Nakatukod ang kanang kamay nito na may hawak na footlong malapit sa kaliwang bahagi ng kaniyang mukha. Ang kabila naman nitong kamay na may hawak na cup ay nakataas ng bahagya, nasa tapat ng kaniyang tiyan.
“Excuse me.” Tiningala niya ang lalaki dahil mas matangkad ito sa kaniya, sa tantiya niya ay nasa anim na talampakan ang taas nito samantalang 5’5’’ naman ang height niya. “Baka matapon ‘yang kape mo.”
“Sorry.”
Itinapat nito sa labi ang cup at ininom ang laman niyon. Gumalaw ang Adam’s apple nito nang lagukin ang kape. Napalunok siya nang wala sa oras. Parang bigla siyang nauhaw at gusto na ring sumimsim ng kape kahit hindi siya umiinom no’n. At dahil magkadikit sila, nasamyo niya amoy nito. Nanuot sa kaniyang ilong ang pinaghalong aroma ng kape at minty na amoy nito na tila kay sarap singhot-singhutin.
“Sorry ulit,” anito nang maubos ang laman ng cup.
Bumalik ang kaniyang huwisyo nang marinig ang boses nito. Binaling niya ang tingin sa likod ng lalaking nasa harapan niya. Nakita niya kayang tinitigan ko siya? Gusto niyang iumpog ang ulo dahil sa kahihiyan.
Lumipas ang ilang segundo, nabawasan na ang lulan ng elevator. Nagkaroon ng kaunting espasyo kaya bahagyang dumistansya ang lalaking katabi niya. Maya-maya ay bumaba ito sa 19th floor. Tatlo na lamang silang natira at sinadya niyang magpaiwan kahit sa 18th floor siya dapat bumaba. Malay ba niya kung sinusundan pala siya ng lalaking naka-itim. Babalik na lang siya.
Maayos ang simula ng shift niya nang gabing ‘yon. Maganda ang performance ng team niya noong nakaraang buwan, maliban sa dalawang newbie na nag-a-adjust pa lang. Napangiti siya. Tiyak na babaha ang incentives.
“Excuse me, TM.”
“Yes?” aniya subalit hindi siya nag-abalang tapunan ito ng tingin. Newbie ito kaya malamang na may itatanong ito sa kaniya. Wala sigurong available na SME o Subject Matter Expert, sila ang nag-a-assist sa mga agent kapag may tanong ang mga ito.
“Hindi ko na kaya.”
Nag-isang linya ang kilay niya nang iangat ang ulo. “EOP!” Meaning, English-only policy. Nasa production floor sila kaya istrikto siya pagating sa rules. “What’s your problem?”
“I’m sorry.”
Hindi na ito nagsalita pa pero nanatili itong nakatayo sa harapan niya. Napansin niyang namumutla ito at sapo ang bandang ilalim ng pusod. “Do you have dysmenorrhea?” Jenna shook her head. “Go back to your station.”
Tumango ito at hindi nagreklamo. Tumayo siya at nilapitan ang isang SME upang i-assist si Jenna habang wala siya. Kailangan pa rin kasi nitong mag-take ng calls kahit masama ang pakiramdam nito. Pumunta siya sa locker area upang kumuha ng pain reliever. Hindi siya nauubusan ng over-the-counter drugs sa kaniyang locker dahil kung sakaling may magkasakit sa team niya, mabibigyan niya agad ng paunang lunas. Minsan kasi nauubusan din ng gamot sa clinic.
Nang makuha na niya ang kailangan ay agad niyang isinara ang locker. Nagulat pa siya nang biglang sumulpot ‘yong lalaking nakasabay niya sa elevator. Mukhang nagulat din ito nang makita siya.
Una itong nakabawi sa pagkabigla. “Walang vacant na locker sa 19th floor kaya pansamantalang nakikigamit ako ng locker dito,” paliwanag nito.
“So?” Tila napahiya ito sa naging reaksyon niya. Napakamot ito sa ulo at alanganing ngumiti. “Excuse me, nakaharang ka sa daraanan ko.”
“Sorry.”
Hindi niya ito pinansin at dere-deretsong naglakad paalis sa locker area. Pinainom niya ng gamot si Jenna pagbalik sa production floor at binalikan ang kaniyang trabaho. Matuling lumipas ang oras at uwian na. Paglabas niya ng building ay parang may sumusunod sa kaniya. Nakita niya ‘yong lalaking naka-itim. Ipinagwalang-bahala na lamang niya ‘yon dahil baka pareho sila ng daan pauwi.
Nang makatawid siya footbridge ay muli siyang lumingon sa likuran at nakita niya pa rin ang lalaki. Sa pagkakataong ‘yon ay binilisan na niya ang paglalakad kahit maraming tao sa paligid. Habol niya ang hininga pagdating pagpasok sa gate ng apartment. Bago siya pumasok sa bahay ay tiniyak niyang hindi siya nasundan ng lalaki subalit laking gulat niya nang bigla itong sumulpot.
“Sinusundan mo ba ako?” sita niya sa malakas na tinig. Namaywang siya at pinanlisikan ito ng mata. “Mayroon kang balak na masama sa akin, ‘no?”
“Mali ang—”
Pumalatak siya. “Tsk! Magsisinuwaling ka pa talaga, eh, huling-huli ka na!”
“Wait, let me ex—”
“I don’t need your nonsense explanation!” She interrupted for the second time.
“Ano bang kaguluhan ang nangyayari dito?” sabat ni Aling Nena sa usapan. Lukot na lukot ang mukha nito. “Ang ingay-ingay ninyo!”
“Aling Nena, ito kasing lalaki na ‘to, may balak na masama sa akin. Sinundan niya ako kagabi pagpasok sa office, pagkatapos sa locker area, at pati rito sa bahay,” sumbong niya sa matanda, pero deadma lang ito.
“Magandang umaga po,” magalang na bati nito sa ginang na ipinagtaka niya. “Pasensya na po at naistorbo namin kayo. Nagkaroon lang po ng misunderstanding.”
Tumango-tango ito sabay baling sa kaniya. “Sarah, alam mong ayoko ng magulo. Sana magkasundo kayong dalawa.”
“Ho?” Nagpalipat-lipat ang tingin niya sa dalawang kaharap. “Paki ulit nga ho ng sinabi n’yo.”
“Ang bata-bata mo pa pero bingi ka na. Maglinis ka ng tainga!” Inirapan siya nito bago binaling ang tingin sa binata. “Kayong dalawa na lang ang mag-usap,” bilin nito sa lalaki at naglakad na palayo sa kanila.
Napapadyak siya nang mawala sa kaniyang paningin ang matanda. Paano nangyari ‘yon? Bakit hindi niya alam na magkapitbahay sila? Nakakahiya ang inasta niya. Nakakahiya talaga!
“Excuse me, miss.”
“Inaantok na ako,” walang ganang tugon niya. Nilagpasan niya ito na hindi man lang tinatapunan ng tingin. Mabilis niyang binuksan ang pinto ng unit at agad ding isinara. “Anong gagawin ko?” tanong niya sa sarili bago iumpog ang ulo sa pinto.
“Anong ginagawa mo?”
Hindi pa pala natutulog si Jessica. Mas maaga ang pasok nito sa kaniya kaya una itong nakauwi. “Huwag mo akong kausapin!” Wala itong kinukuwento tungkol sa kapitbahay nila kaya ito ang may kasalanan kung bakit napunta siya sa nakakahiyang sitwasyon na ‘yon.
“Bakit? Anong kasalanan ko sa ‘yo?” takang tanong nito.
Inirapan niya lang ito at dumeretso sa kuwarto.
“Anong problema ng babae na ‘yon?” tanong ni Jessica sa sarili nang mawala sa paningin ang kaibigan. Napailing na lamang ito.
Inagahan ni Sarah ang pagpasok sa trabaho. Iniiwasan niyang makasabay sa paglalakad ang bagong kapitbahay dahil nahihiya siya sa nangyari. Naging mapanghusga siya at hindi niya ito hinayaang magpaliwanag. Dapat ba siyang humingi ng tawad? “Pero, bakit naman ako mahihiya? Wala naman akong ginawang masama!” iritadong wika niya. Natural lang naman na pag-isipan niya ito nang hindi maganda dahil sa pagsunod-sunod nito sa kanya. “Hindi ako magso-sorry!” “Miss, kung ayaw mong matulog, huwag kang maingay!” sita ng kung sino mang naistorbo niya sa pagtulog. Madilim sa sleeping quarters kaya hindi niya makita ang mukha ng sumita sa kanya. Doon siya nagpalipas ng oras dahil maaga pa, pero hindi naman siya makatulog. Sobrang lamig doon, para siyang nasa loob ng chiller. “Sorry.” Nagpasya siyang lumabas para hindi makaistorbo sa iba. Binuksan niya ang cell phone at ang liwanag na nagmumula roon ang nagsilbi
Bumalikwas ng bangon si Sarah. Nagising siya sa ingay na nagmumula sa ibaba ng bahay. Dinig na dinig niya ang boses ni Jessica at ng lalaking kausap nito. Napagpasyahan niyang bumaba. Nasa kalagitnaan pa lang siya ng hagdanan ay nakita na niya ang kakuwentuhan ng kaibigan. Tumikhim siya upang ipabatid ang kaniyang presensya. “Uy, gising ka na pala!” masiglang wika ni Jessica. “Nakapagluto na ako ng hapunan.” “Ang ingay n’yo kasi,” reklamo niya. Masuwerte ang mga ito dahil wala siyang pasok sa gabing ‘yon kaya palalagpasin muna niya ang pag-iingay ng mga ito. “Maliligo lang ako ‘tapos kumain na tayo.” “Okay.” Bumalik siya sa taas upang kumuha ng towel at damit na pamalit. Maliit lang ang apartment na ‘yon at isa lang ang banyo. Pagbaba niya ay nandoon pa rin si Erhart at prenteng nakaupo sa sofa. Nilagpasan niya ito na parang wala siyang nakitang tao. Binilisan niy
Spell doomed, iyon, iyon ang sitwasyon niya sa mga oras na ‘yon. Napasarap ang tulog niya kaya hindi niya narinig ang alarm ng cell phone. May twenty minutes pa siya para tumakbo papasok sa opisina. Kung hindi siya ginising ni Erhart ay baka Sleeping Beauty pa rin ang peg niya. Well, kasalanan din naman ng binata kung bakit napasarap—este, kung bakit binangungot siya. Simula nang mag-dinner sila ay hindi na siya nito nilubayan. Ipinipilit nito na maging magkaibigan sila kaya maging sa panaginip niya ay nandoon ito. “Nakakainis!” Napapadyak siya sa tindi ng iritasyon. “Malas! Malas!” “Mamalasin ka talaga kapag hindi pa tayo umalis. Gusto mo bang ma-late?” Napatda siya nang makita ang kinaiinisang lalaki. Nakasandal ito sa hamba ng pintuan at mukhang hinihintay siya. “Aalis na po kaya umalis ka riyan!” bulyaw niya rito at tumalima naman ito. Pinatay niya ang ilaw bago ini-lock ang pinto. “Bakit nandito ka pa?”
Gumuhit ang sakit sa ulo ni Sarah. Dalawa ang absent sa team niya, ‘yong isa nagpaalam na masama ang pakiramdam, at ‘yong isa naman ay No Call, No Show. Basta-basta na lang um-absent nang walang paalam. May naka-schedule siyang team huddle at isang coaching. May na-monitor na call ang isang Quality Analyst o QA na sabaw ang isa niyang agent. Wala sa hulog ang pinagsasabi nito sa call at kailangan niya itong i-coach kung paano ito mag-i-improve.Pinakinggan niya ang call ni Edgar, ang sabaw niyang agent. Naka-full ang volume ng kaniyang headset pero halos wala siyang marinig dahil nangingibabaw ang boses ng mga ahente na nagte-take ng calls. Queuing o mataas ang volume ng calls kaya sobrang ingay sa production floor. Nilibot niya ang tingin sa paligid, halos bumula na ang bibig ng agents sa pagsasalita. Napansin niyang nangangalahit na ang tubig sa tumblers ng agents niya kahit kakaumpisa pa lang ng pasok ng mga ito.Isa-isa niyan
A smile danced on his lips. He felt silly. It’s just a friendly date but his heart… Sinapo niya ang dibdib. Mabilis ang tibok niyon at nakabibingi ang ingay. Hindi pa kumabog nang ganoon kalakas ang puso niya dahil sa babae. “You look like an idiot!” Kinuha ni Harry ang tissue mula sa bitbit na supot, nilamukos ‘yon, at ibinato sa kaniya. Sapol siya sa mukha. “Hindi mo man lang napansin na kanina pa ako nakatayo sa pintuan.” Nakaupo siya sa pangatlong baitang ng hagdanan. Bumagsak ang tissue sa kaniyang paanan kaya pinulot niya ‘yon at ibinato pabalik sa lalaki pero nakailag ito. “Masarap ba ‘yang dala mo?” “Lugaw, itlog, at tokwa lang ‘to.” Tinungo nito ang mesa at inilapag doon ang bitbit na supot. “Nag-almusal na ako kaya sa ‘yo na lahat ‘to.” “Salamat.” Tumayo siya at nilapitan ito. “Mamaya na ang date namin ni Sarah,” excited niyang balita rito habang isinasalin ang lugaw sa mangkok.
Lumipas ang ilang minuto pero hindi pa bumalik si Harry. Naiinip siya at hindi mapakali. Gusto niyang sumilip sa kabilang bahay ngunit pinigilan niya ang sarili. Nagpalakad-lakad siya sa kapiranggot na sala at nang magsawa ay umupo siya sa hagdan. Wala silang upuan, maliban do’n sa dalawang monoblock chair na kasama ng mesa. Iniwan lang ‘yon ng dating nangungupahan do’n dahil malapit na ‘yong masira. Ang iba nilang kagamitan, partikular na sa kusina ay pinahiram lang ni Aling Nena pero kailangan nilang ibalik kapag nakabili na sila. Hinilot niya ang sentido. Napagtanto niyang mahirap bumukod lalo na’t nag-uumpisa pa lamang siya pero kailangan niyang kayanin. Natapos niya ang isang semestre sa kolehiyo na hindi tumanggap ng allowance sa kaniyang ama kaya positibo siyang malalagpasan niya ‘yon. Umpisa pa lang ‘yon sa pagtupad ng sarili niyang pangarap kaya hindi puwedeng basta-basta na lang siyang sumuko. “Tisoy!” Su
Jessica enjoyed the company of Harry. Hindi niya lubos maisip na sa likod ng seryosong awra nito ay nagtatago ang isang pilyong lalaki. Ikinuwento nito sa kaniya ang mga kalokohang ginawa nito noong bata pa ito. Hindi niya alam kung epekto ba ng alak ang kadaldalan nito o gusto siya nitong kausap. Ano pa man ang dahilan, masaya siyang makasama at makausap ito.“Paano kayo nagkakilala ni Tisoy?” tanong niya rito matapos niyang ikuwento kung paano sila nagkakilala ni Sarah.“He’s my brother.”“Hmm?” Tama ba ang kaniyang narinig? “What did you say?” Hindi niya alam kung nakailang bote na siya ng beer kaya posibleng mali ang kaniyang narinig.“I’m his uncle, but his like a brother to me,” he explained. Hindi naman ganoon kalayo ang gawat ng edad namin.”“Uncle?” He nodded. “Kaya pala pareh
“Mahal na prinsesa, gising na!” Ilang beses na niyugyog ni Jessica ang kaniyang balikat subalit ayaw pa niyang imulat ang mga mata. Hinila niya pataas ang kumot upang takpan ang kaniyang mukha. “Gusto mo bang si Tisoy ang gumising sa ‘yo?” Bumalikwas siya ng bangon nang banggitin nito si Erhart. Tinulugan siya nito nang nagdaang gabi at pagkatapos noon ay mag-isa siyang nanood. Pagkatapos… “Huwag kang tumulala riyan!” “Paano ako nakarating dito?” takang tanong niya. Mahimbing ang tulog ng binata habang nakasandal ito sa kaniyang balikat. Nahiya siyang gisingin ito kaya pinabayaan niya na lang itong matulog at pagktapos noon… Nakatulog din ba siya? Nagkibit-balikat ito sabay ngiti. “Ready na ang breakfast. Bumaba ka na.” Tinalikuran siya nito at pakendeng-kendeng na naglakad. Niligpit niya ang pinaghigaan habang pilit na ina-analyse kung paano siyang nakarating sa kama. Hindi kaya… “Hindi ka niya binuhat! Huwag ka