Chapter 18

CELINE

Sinusuot ko na ang mga damit at alahas na binili sa akin ng asawa ko kaya nagmistulang Christmas tree ako sa dami nga ng mga nakasabit sa katawan ko. Kumikinang-kinang pa nga 'yon. Sayang naman kung hindi ko gagamitin ang mga 'yon. Tinginan tuloy ang mga kasambahay sa akin pagkakita nila sa akin na nakasuot ng bagong damit na binili sa akin ng asawa ko at mga alahas na kumikinang-kinang.

Tumungo ako sa baba para magpahangin sa labas. Papalabas na ako sa may malaking pintuan ng biglang pumasok si David mula sa labas. Nanlaki ang mga mata ko pagkakita sa kanya. Salubong ang mga kilay na nakatingin sa kanya ngunit guwapo at ang hot pa rin niya. Nakasuot lang siya ng kulay puting sando at shorts kaya bakat na bakat ang matitipunong katawan niya. Kitang-kita ko ang malaking biceps niya. Muli kong naramdaman ang pagbilis ng tibok ng puso ko habang kaharap ko siya.

Napatingin rin siya sa akin sa suot ko. Mula paa hanggang ulo niya akong tiningnan.

"You're wearing everything that my