Chapter 13 Aiah

“MAYBE WE CAN STAY in the same room.”

Marahas niyang nalingon si Ethan nang makarating sila sa Casa Oliveria. Ginugol nila ang maghapon sa dalampasigan, malalim na nagkuwentuhan, at pinanood ang paglubog ng araw. Akay-akay siya ni Ethan hanggang sa makauwi sila, at ngayon, narating na nila ang loob ng kwarto ng binata.

“Anong stay at the same room?” kunot-noo niyang sambit dito. “Stay in the same room ka diyan.”

Sariwa pa sa alaala ni Aiah noong unang beses nilang nagsama sa iisang kwarto ng binata. Magandang pagkakataon subalit noong mga panahong iyon, hindi pa siya ang mahal ng binata. Nasa isip lang nito na mahal niya si Aiah dahil kamukha siya ng namayapa nitong asawa–si Enie.

“Maybe I can…” Ethan chuckled. “…at least redeem myself in bed since our first time?”

Nahampas niya ang braso nito. “Sira.”

Natawa na nang tuluyan si Ethan.

“Huwag mo akong inaano d’yan ha,” pabirong babala ni Aiah. “Marami ka pang kasalanan sa akin.”