Chapter 20- Oh, Are They Siblings?

WALA sa loob na napahawak si Ian sa kaniyang dibdib. Hindi niya maintindihan kung bakit bigla na lang siyang nakaramdam ng kirot doon dahil lang sa sinabi ng isang bata na ngayon lamang niya nakita. Marahil ay dahil lumaki rin siyang walang matatawag na ina?

Lumaki at nagkaisip si Ian na tanging ang ama lamang ang nag-alaga sa kaniya. Ang kaniyang ina na si Donya Kristina ay maagang pumanaw pagkapanganak pa lamang sa kaniya dahil sa komplikasyon dito. Hindi naman siya sinisisi ng ama sa pagkamatay ng asawa at sa halip pa nga ay muli itong nag-asawa upang mabigyan lamang siya ng matatawag na ina.

Subalit sa hindi alam na kadahilanan ay biglang naglaho ang babaeng pinakasalan ni Don Manuel at hindi na ito muli pang nagpakita sa kanila. Limang taon lamang siya nang mawala ito kung kaya hanggang ngayon ay naaalala pa rin niya ang naging madrasta noon. At simula nga noon ay hindi na muli pang nag-asawa si Don Manuel.

Minsan, no