Chapter 56: Aphrodisiac Drug

—Five Hours Ago

HATING-GABI na subalit gising na gising pa rin ang diwa ni Cassandra. Pinakikiramdaman niya ang tatlong lalaking kasama niya sa lumang bodega na iyon habang nakahiga siya at nakatali sa maruming kama na naroroon. 

Narinig niya kanina nang kausap ni Joshua si Ian. Gusto niyang magsisisigaw at humingi ng tulong subalit may nakabusal sa kaniyang bibig kung kaya hindi niya magawa iyon, maliban pang pinagbantaan siya ng dalawang lalaking huwah maingay. 

“Damn it, what did you do?” kapagdakan ay hiyaw ni Joshua sa kabilang kausap nito sa cell phone. “I’ll see what I can do, Dad,” anito pa na animo ang ama ang kausap. 

Nang maibaba ang sariling cell phone ay hinilot-hilot pa ni Joshua ang sumasakit na sintido sa sunud-sunod na problema.

Kanina ay agad ipinaalam ng binata sa ama at bodyguard nito ang tungkol sa spy na nagtatago sa kanilang bahay, si Raid Gonzales. Hinabilinan ng binat