Chapter 55

ANG lakas ng tibok ng puso ni Raid habang matamang nakikinig kay Don Ismael at kausap nito si Joshua Alarcon.

Bagama’t nasa panganib ng mga sandaling iyon ang kaniyang buhay ay nakatagpo siya ng kaunting pag-asa na hindi malalaman niya kung saan naroroon ang pinaghahanap nilang binata.

“Tarlac? Why are you doing there? I told you to look my documents!” mainit ang ulong sigaw ni Ismael sa anak sa kabilang linya.

Kahit hindi niya naririnig ang tugon ni Joshua sa kabilang linya ng telepono sapagkat hindi iyon naka-loud speaker ay nalaman niyang nasa Tarlac ang binata ngayon.

Mabilis na kinalkula ni Raid sa kaniyang isipan ang mga posibilidad nang kinaroroonan nito ngayon. Sa tagal niyang nagtatrabaho sa pamilya Alarcon at ilang taong pagiging undercover dito ay kabisado na ni Raid ang bawat lugar na pinupuntahan ng binata. Maging ang lahat ng properties ng mga ito ay nalagyan na niya ng mark