KABANATA 2

Hindi niya alam kung paano niya nagawang tumayo roon sa harap nila nang hindi babagsak agad. Oo at sa una ay nagulat ang mga reaksyon nila ngunit pagkaraan ay halos magpuyos siya sa galit noong pinagpatuloy pa ng dalawa ang ginagawa kahit pa nahuli na niya ang mga ito. Ngising-ngisi si Crystal at talagang pinakita sa kanya kung gaano ito nasasarapan sa pagromansa ng kanyang asawa. Kagat labi pa ito at talagang pinahindayog ang katawan.

Malinaw na malinaw niyang nakikita ang paggalaw ng katawan nila. Kinakain siya ng selos, inggit, at galit lalo pa't mukhang mas ganado ang asawa niya kay Crystal kumpara sa tuwing sila ang gagawa ng bagay na iyon sa mismong kama na iyon.

Gusto niyang magmura nang malutong. Triple ang sakit na makita ang mga itong nagpapasarap sa mismong kama nilang mag-asawa na siya pa ang pumili at bumili!

Wasak na wasak ang puso niya at tila madudurog na iyon matapos marinig ang malakas at malanding ungol ng kanyang pinsan na alam niyang nakarating sa r***k ng kapusukan nito. Idagdag pa ang pagbilis ng galaw ng kanyang asawa at malalim na ungol na senyales ng pag-abot din nito sa r***k.

Nagbagsakan ang kanyang mga luha at hindi alam kung bakit hindi siya nakakilos at talagang pinanood ang mga ito. Siguro ay para isang sakitan na lang. At talaga namang ubos na ubos na siya matapos magkatawanan ng dalawa na para bang wala siya roon. Kita niya pang malanding humalik sa dibdib ng kanyang asawa ang pinsan at balak pa yatang simulan muli ang init ngunit hindi na siya nakatiis at binato ang panty na nakita niya sa kanyang paanan.

"What the h*ll, Be! Hindi mo ba nakikitang hindi pa kami tapos?!" naiinis nitong sigaw.

Pinaningkitan niya ito ng tingin, "Huwag mo kong tawaging, Be! Wala akong pinsan na ahas at kabit!"

Umirap ito, "Wala rin akong pinsan na hindi magaling magromansa sa kama. Matuto ka kasing lumandi. Masyado kang tuod kaya ka iniiwan," anito bago tuluyang humiwalay sa asawa niya na nakatutok ang tingin sa katawan ni Crystal.

At hindi niya matanggap iyon. Nanlisik ang kanyang tingin kay Crystal na tila ba ibang tao noong oras na iyon. Iba sa Crystal na laging nagtatanggol sa kanya sa tuwing pinapagalitan siya ng kanyang Daddy. Ngayon, tinataasan siya nito ng kilay habang walang pakialam kahit pa h*badbaro ito. Nangingisi pa nitong sinuot ang t-shirt ng kanyang asawa na talagang nagpatahip sa kanyang d*bdib dahil sa galit.

Pagkabaling niya kay Miggy ay tila dismayado pa ito sa kanyang presensya at mukhang bitin na bitin pa ang g*go. Tamad itong sumandal sa headboard at noong gumapang palapit dito si Crystal ay nanlumo siya matapos makitang agad nito iyong hinawakan sa bewang at hinapit palapit sa katawan nito.

Naipon ang luha sa gilid ng kanyang mga mata noong m********n muli ang dalawa at sa takot na baka muling mag-isa ang mga katawan ng mga ito ay ang unan na nakita niya sa gilid ang binato niya patungo sa kanila.

"Are you out of your mind?!" sigaw ni Miggy na tinamaan sa unan.

Napamaang siya. Ngayon ay siya pa ang nagmukhang siraulo.

"Just wow, Miggy. Wala ka man lang bang konsensya o takot na nahuli kita sa kama kasama ang malandi kong pinsan—"

"Hindi ako malandi! Masarap lang talaga!" singit ni Crystal.

"Wala akong pakialam! Sugo ka ng kasamaan at walanghiyang ginapang ang asawa ko!"

Kinuyom niya ang mga kamao. Gusto na niya itong sugurin ngunit alam niyang siya lang mas masasaktan dahil mukhang poprotektahan ito ni Miggy.

"Excuse me?" Tinaas muli ni Crystal ang mga kilay nito, "Para sa kaalaman mo, asawa mo ang gumapang sa akin! Hindi naman ako b*bukaka kung hindi niya ako nilandi!"

"Sinungaling!—"

"Enough, Bea!" malakas na sigaw ni Miggy na nakapagpa-awang sa mga labi niya.

Ayaw niyang maniwalang ito mismo ang lumandi sa kanyang pinsan dahil gusto niyang isipin na natukso lamang ito. Gusto niyang isipin na mahal siya nito ngunit natukso sa harot ng pinsan niya pero mukhang hindi ganoon ang nangyari base sa nakikita niyang pagkawili nito kay Crystal.

"Ganito mo ba ako gustong saktan, Miggy?" humina ang boses niya at tinitigan ito na nangungunot lamang ang noo, "Bakit pati pinsan ko ginamit mo?!"

Imbis na si Miggy ay si Crystal ang sumagot sa kanya, "Duh, g*ga. Naggagamitan kami at nagtitikiman. Kung gusto mong mag-join, pwede naman. Tatlo tayo sa isang kama. Ayoko naman na lugi ka, isa pa, legal ka pa namang asawa."

Naiiling na binalingan niya ito ng tingin. Dismayado na naririnig niya ang mga iyon sa pinsan na tinuring niya na rin na kapatid.

"Crystal, naririnig mo ba ang sinabi mo? May pinag-aralan ka at isa ka ring Del Rosario—"

"Beatrix, don't be old fashioned. At oo, alam ko ang sinasabi ko. Meron akong tenga na nakaririnig, mata na nakakikita, at katawan na pwedeng tikman—"

"The f*ck, Crystal!" hindi niya mapigilang bulalas sa sobrang pagkadisyama sa kanyang pinsan, "Ano na lang ang sasabihin ni Tiya Madel sa'yo?"

Muli itong umirap at hinaplos pa ang dibdib ng kanyang asawa na talagang kinapuyos ng dadamin niya, "Alam ni Mommy 'to. One year na kami ni Miggy. Nag-birth control shot pa ako pero no need naman pala dahil gusto na niya ng baby.... na hindi mo kayang ibigay," insulto nito.

Natahimik siya at muling kumuyom ang mga kamao. Alam niyang hindi siya baog ngunit wala siyang laban dahil hindi nga siya buntis. At isang taon? Isang taon na siyang niloloko ni Miggy at hindi man lang niya iyon namalayan o napansin sa dalawa.

"Umuwi ka na, Bea. Tanggapin mo na lang na maghihiwalay na tayo," ani Miggy na talaga yatang inip sa kanyang presensya.

Napailing siya. Maging ang asawa niya ay iba na. Iba na sa Miggy na kinahumalingan niya't pinag-alayan ng puso't kaluluwa.

"Hindi ka man lang ba hihingi ng tawad?" mahinang tanong niya.

"Wala akong dapat na i-hingi ng tawad. Ikaw ang nagkulong sa akin sa pagsasama na ito. Sapat na ang pitong taon, Bea, pakawalan mo na ako."

Bumalong muli ang mga luha sa mga mata niya ngunit bago pa man bumuhos ang mga iyon ay tumalikod na siya sa dalawa. Ang hapdi sa d*bdib niya ay lumalala, hindi lubos maisip na nagawa iyon ni Miggy at talagang tinuring nitong selda ang pagsasama nila.

"Go home, Bea. Nakakaistorbo ka na. Gagawa pa kami ng maraming-maraming baby ni Miggy," dinig niyang bigkas ni Crystal.

Pumikit siya nang mariin, "Pakibilisan iyang kababuyan ninyo. Pagkatapos niyo, please, paki-disinfect ng BAHAY KO!" may diing bigkas niya bago tuluyang bumaba.

Narinig niya ang inis na atungal ni Crystal pero iyon naman ang totoo. Regalo ng mga magulang niya ang bahay at wala ni singkong duling na ambag si Miggy sa pagpapaganda niyon o pagbili pa ng mga gamit.

Pagkasakay sa sasakyan ay doon bumuhos ang mga luha niya at sumigaw. Ang sakit sa kanyang puso ay tila umikot na sa kanyang buong katawan. Imbis na umuwi sa ancestral house at magkulong sa kanynag kwarto ay mas pinili niyang humanap ng pwedeng inuman. Ayaw niya sa bar dahil baka may kakilala siya at isumbong pa siya sa kanyang Daddy.

Naghanap na lang siya ng convenience store at pinilit ang staff doon na payagan siyang uminom sa loob.

"Ma'am hindi po talaga pwede. Kami po ang mapapagalitan—"

Nilapag niya ang sampong libo sa mesa na kinatigil nito.

"Hindi naman ako nagwawala o naninira ng gamit sa tuwing lasing. Hindi rin ako abala sa mga customers. Hayaan mo lang ako dito sa gilid at tahimik na iinom."

Wala itong nagawa matapos niyang isiksik ang sampong libo sa bulsa nito.  Binigyan siya nito ng alak at maging ng baso. Tinotoo naman niyang tahimik lang siyang iinom, tahimik lang din siyang umiyak kahit gusto na niyang magwala sa sakit.

Inabot siya ng gabi at hindi pa rin tumitigil sa pag-inom. Mangilan-ngilan na lang ang pumapasok sa tindahan at napapatingin sa kanya. Marahil ay dahil puno ng luha ang kanyang pisngi at marahil ay dahil bote na ng alak ang tinutungga niya. Gusto na nga siyang pauwiin ulit kanina ng cashier pero nagbayad siya ng advance para sa iinumin kaya't wala itong magawa. Isa pa, hindi niya kayang umuwi na ganoon ang itsura niya.

Paulit-ulit na umiikot sa isipan niya ang nangyari mas lalo na ang kababuyan ng dalawa. Buo ang tiwala niya kay Miggy at mas lalo na kay Crystal. Ngunit kung sino pang pinagkatiwalaan niya ay sila pa ang nanakit sa kanya. Akala niya ay sapat na siya para kay Miggy ngunit mukhang hindi. Tama ang Ate niya, may iba itong niroromansa at ang masakit ay si Crystal pa.

Naisip niya, kung nabuntis lang siya sa unang taon pa lang ng pagsasama nila ay baka hindi nangyari ang ganito. Ang kaso ay pangit ka-bonding ng matris niya at ayaw yata ng bata. Alam niya sa sariling hindi totoo ang bintang nitong baog siya, sadyang hindi lang sila makabuo. O baka naman, tama ang sinasabi nito na baog nga siya.

"Hindi ako baog!" impit niyang sigaw na kinalingon ng cashier.

"Ma'am, sabi niyo po hindi kayo magwawala," kinakabahang paalala nito.

Umiling siya at pilit itong tinanaw kahit pa nanlalabo at umiikot na ang paningin niya. Tumawa siya at sinandal ang ulo sa upuan.

"Hindi nga. Hindi nga ako baog!" sigaw muli niya na kinangiwi ng cashier.

Balak pa sana siyang kausapin nito kung hindi lang pumasok ang tatlong kalalakihan sa tindahan at mukhang kagaya niya ay lasing ang mga ito. Mukha silang galing sa club at humahalimuyak pa ang alak sa mga ito.

"Are you sure you can drive, Archie?" tanong ng isa na hindi siya sigurado kung blonde ba o pula ang buhok.

"Archie, is a man of alcohol. Iinom pa iyan bago uuwi o baka maghahanap ng babae," komento ng isa na clean-cut ang buhok.

Nagkatawanan sila na nagpataas sa kanyang kilay kahit pa hindi na niya makita ang mga mukha ng mga lalaki. Dinig niyang nagpaalam ang dalawa at naiwan ang mas matangkad.

Napanguso siya at sinipulan ito. Nababaliw na siguro siya pero gusto niyang patunayan na hindi siya baog.

"Psst," sitsit niya sa lalaki.

Lumingon ito sa kanya at kahit nanlalabo ang mga mata niya ay kita niyang naglalakad ito palapit.

"Hindi ako baog," aniya agad matapos nitong maupo sa harap niya.

Amoy na amoy niya ang alak sa katawan nito at kahit tuwid itong naglakad kanina ay alam niyang kagaya niya ay lasing ito.

"Sinong nagsabing baog ka?" maging ang hininga nito ay may amoy alak ngunit hindi masakit sa ilong.

Tumawa siya at muling ngumusi.

"Isang g*go pero huwag ka maniwala roon. Nangabit iyon eh. Hindi naman talaga ako baog," aniyang paliwanag sa lalaki na sa oras na iyon ay natutuwa sa kanya.

"Kung hindi doktor ang nagsabi, huwag kang maniwala. Are you alone?" ani ng lalaki.

Tumango-tango siya at tinuro ang sasakyan niya, "Pero ayaw ko umuwi. Magagalit si Daddy."

Mahina itong tumawa at tila musika iyon sa pandinig niya. Mas masarap pa iyong pakinggan kumpara sa tawa ni Miggy. Muli nabuhay ang sakit sa puso niya matapos maalala ang asawa kung kaya't tinitigan niya ang lalaki. At kahit hindi malinaw ang itsura nito ay alam niyang makisig itong lalaki.

"Gusto kong gumawa ng baby, Mister," lakas loob na bigkas niya na kinatigil nito sa pagtawa.