Chapter 14

Hindi ko man lang namamalayan na natapos na pala ang date namin. Sobrang bilis ng oras. Gusto ko pa sana siyang makasama ng mas matagal pero kailangan din ng restaurant na magsarado.

Ganun talaga siguro. Kapag masaya ka ay hindi mo napapansin ang oras, magugulat ka na lang na tapos na pala.

"Ang tahimik mo. May problema ba?" untag ni Dark habang nasa daan kami pauwi.

Tumingin ako sa labas ng sasakyan. "Wala. May iniisip lang ako."

Hindi agad siya sumagot. Ang dami namin napagkwentuhan kanina pero ang tanging tumatak at patuloy kong iniisip ay ang sinabi niya kaninang gusto niya ako.

Sa totoo lang ay nalilito ako kung ano ba ang dapat kong gawin. Hindi maipagkakaila na gusto ko rin siya pero naroon pa rin yung pag-aalinlangan. Gusto ko sanang kausapin si Margie pero alam ko na kung ano ang magiging sagot niya.

"Seryoso ako sa iyo, Cassandra kung iyon ang inaalala mo," seryoso niyang wika maya-maya.

Hindi iyon ang inaalala ko!

Hinarap ko siya. "Alam kong maganda ako pero—"

Mahina siyan