CHAPTER SIX

“BITAWAN niyo ako! Anong karapatan niyong gawin sa'kin 'to. Bitaw ano ba!” nagpupumiglas at galit na mukha ni Tatay Ruben ang naabutan ni Shella at Jolo. Kasama rin nila ang sekretarya ng binata na siyang may hawak ng pera. Habang si Nanay Leoning naman at Angelo at nasa isang gilid at naluluha luha nang umaawat.

“Ang Tatay Ruben!” hindi na nahawakan ni Jolo ang kamay ng dalaga dahil bigla na lamang ito tumakbo patungo sa kinatatayuan ng kanyang lolo na nakikipagtalo sa tatlong pulis na pilit itong pinoposasan. Tila may namuong galit sa dibdib ng binata kung kaya’t walang sabi-sabi ay sumunod ito sa dalaga at nakipagpalitan ng matatalim na tingin sa tatlong nakaunipormadong mga pulis.

“Tanggalin niyo nga ‘yang mga kamay niyo kay Tatay Ruben! Ang kakapal ng mukha niyo, hindi man lang kayo naawa sa lolo ko. Iisang tao lang ‘yan pero kailangan bang tatlo pa kayo na pupunta dito-”