KHMB: Kabanata 6

Dalawang linggo na ang nakalipas mula nang tuluyang maglaho si Sabrina na parang bula.

Sa loob ng panahong iyon, unti-unting naramdaman ni Thunder ang bigat ng kawalan nito, hindi lang sa kumpanya, kundi maging sa mismong bahay na tinawag nilang tahanan.

Alas-tres ng madaling araw, nakatayo si Thunder sa harap ng malaking floor-to-ceiling window ng kanyang penthouse habang hawak ang isang baso ng whiskey. Madilim na ang buong kwarto. Wala na ang mainit na ilaw na laging sumasalubong sa kanya tuwing umuuwi siya ng gabi. Wala na ang amoy ng bagong lutong hapunan at wala na rin ang babaeng tahimik na naghihintay sa sofa pero nakangiti kahit pagod na.

Sa halip, ang bumabalot sa buong penthouse ay ang masangsang at matapang na amoy ng mamahaling pabango ni Alexa.

“Thunder, babe, why are you still awake?”

Napapikit nang mariin si Thunder nang marinig ang boses ni Alexa mula sa p***o ng kwarto. Nakasuot ito ng manipis na silk robe, pupungas-pungas pero halatang iritado.

"I'm just thinking about the company, Alexa. Go back to sleep," malamig na sagot niya nang hindi ito nililingon.

Lumapit si Alexa at yumakap sa likod niya. "Don't stress yourself too much. Aayusin natin 'yan. Tsaka, I was thinking, pwede ba nating ipa-renovate itong penthouse? The minimalist style is so boring. Kamukha ng dating opisina ni Sabrina. It feels cheap."

Kumuyom ang panga ni Thunder. Ibinaba niya ang baso ng whiskey sa ibabaw ng mesa nang padabog dahilan para mapatalon sa gulat si Alexa.

"Cheap?" lumingon si Thunder at matalim na tinitigan ang dalaga. "The interior of this house was designed by a world-renowned architect na kaibigan pa ng Lolo ko. Walang babaguhin dito, Alexa. And for once, stop complaining about everything."

Namula si Alexa at nagsimulang mangilid ang luha. "B-Bakit ka nagagalit? I just wanted to make this place ours. Bakit ba ang init ng ulo mo simula nang umalis ang babaeng 'yon?!"

Imbes na sumagot, tinalikuran ni Thunder ang dalaga, kinuha ang susi ng kotse at lumabas ng penthouse. Hindi niya masikmura ang presensya nito ngayon. Hindi niya maintindihan kung bakit ang babaeng pinangarap niya nang ilang taon ay tila nagiging isang malaking tinik sa lalamunan niya araw-araw.

Kinabukasan, sa loob ng Alcantara Group CEO's office. Isang makapal na folder ang ibinato ni Thunder sa pader. Nagkalat ang mga litrato at dokumento sa sahig. Nakatayo sa harapan niya ang pinakamagaling na private investigator sa buong bansa, namumutla at pinagpapawisan.

"Binabayaran kita ng milyun-milyon, tapos sasabihin mo sa akin na wala kang mahanap?!" asik ni Thunder habang nag-uumapaw ang galit sa dibdib. "Paano mawawala ang isang tao sa Pilipinas nang walang kahit anong trace?! Wala siyang passport records, walang credit card transactions at ni walang CCTV footage! Ano siya, multo?!"

Napalunok ang investigator. "S-Sir Thunder, ginamit ko na po ang lahat ng koneksyon natin sa NBI at sa immigration. Pero parang may isang napakalaking pwersa ang nagbura sa pagkatao ni Mrs. Alcantara. H-Hindi lang po siya basta nagtago. Ang mga files niya, naka-lock sa isang security clearance na ginagamit lang ng mga top-tier billionaire families sa Asya. Kapag pinilit ko pong buksan, baka pamilya niyo po ang balikan."

Natigilan si Thunder, parang binuhusan siya ng malamig na tubig sa sandaling iyon.

“Top-tier billionaire families?” Si Sabrina? Ang babaeng nagtitimpla ng kape niya, ang babaeng walang arte sa katawan at ang babaeng itinuring niyang isang simpleng ulila?

"Get out," mahinang utos ni Thunder habang hawak ang sentido.

Nang makalabas ang investigator, napasandal si Thunder sa swivel chair niya. Ang mga mata niya ay napadako muli sa Petition for Annulment na hindi pa rin niya naipapasa sa korte.

“Sino ka ba talaga, Sabrina? At bakit pakiramdam ko, hindi ikaw ang nawalan, kundi ako?” bulong pa niya. 

Samantala, sa isang eksklusibong presidential suite sa BGC. Malayo sa tahimik at simpleng asawang nakilala ni Thunder, isang panibagong Sabrina ang nakaharap sa malaking salamin. Wala na ang mga boring na corporate slacks at maluluwag na blouse na palagi niyang suot. 

Nakatayo siya roon, suot ang isang eleganteng emerald green silk dress na perpektong humuhulma sa katawan niya, bagama't maingat na itinatago ang bahagyang umbok ng dalawang-buwang tiyan niya. Ang buhok niyang dati'y nakatali lang lagi ay ngayon ay naka-style na’t wavy pa. May suot siyang diamond necklace na nagkakahalaga ng daan-daang milyong piso.

Siya na ngayon si Sabrina Isabel De Leon. Ang prinsesa ng pamilyang De Leon. Bumukas ang p***o at pumasok si Kuya Leandro. Suot nito ang paborito nitong Tom Ford suit at may hawak na isang manipis na tablet. Nang makita ang kapatid, isang mainit na ngiti ang sumilay sa labi ng kinatatakutang bilyonaryo.

"There's my beautiful sister," lumapit si Leandro at humalik sa noo ni Sabrina. "Are you ready? Ang dami nang nag-aabang sa pagbabalik ng nag-iisang prinsesa ni Lolo Fernando."

Ngumiti si Sabrina at marahang hinaplos ang tiyan niya. "Ready na, Kuya. Para sa baby ko, handa na akong bawiin ang mundo ko."

Inilahad ni Leandro ang tablet sa harap niya. Sa screen, makikita ang patuloy na pagbagsak ng stock market graph ng Alcantara Group at pulang-pula ang mga numero nito.

"Dalawang linggo pa lang simula nang iwan mo sila, nagkakagulo na ang kumpanya niya," natatawang kwento ni Leandro. "Lahat ng malalaking investors, lalo na si Mr. Sy, nag-pull out na dahil sa katangahan ng bago niyang Marketing Director. Ngayon, nagkukumahog si Thunder na maghanap ng bagong funder para hindi tuluyang ma-bankrupt ang real estate project nila."

Tinaasan ng kilay ni Sabrina ang graph. Isang malamig at mapanuyang ngiti ang gumuhit sa mga labi niya. "At hulaan ko, ang De Leon Investment Group ang huling baraha niya?"

"Bingo," nakangising sagot ni Leandro. "Kanina pa nagmamakaawa ang secretary niya sa opisina natin para mabigyan sila ng appointment sa CEO natin. Hindi niya alam, ang CEO na pilit niyang pinapa-schedule-an ng meeting ay ang asawang pinalayas niya."

Tumingin si Sabrina sa labas ng bintana, tanaw ang matataas na gusali ng Maynila. Ang dating nararamdaman niyang pagmamahal sa lalaking yun ay tila ba naglaho na. Naalala niya ang mga huling salita ni Thunder sa kanya noon, kung paano nito sinabing papatayin nito ang sarili nitong anak. Hinding-hindi niya iyon mapapatawad.

"Wag mong ibigay agad ang appointment, Kuya," malamig na utos ni Sabrina, "Let him bleed a little more. Hayaan mong unti-unting mawasak ang pride niya. Kapag walang-wala na siya, tsaka natin siya haharapin."

Tumango si Leandro at mukhang bilib na bilib sa tapang ng kapatid. "Copy that, Madam CEO."

Sabrina touched her diamond necklace. The game has just changed. Thunder Alcantara wanted a war when he broke her heart. Now, she’s going to give him an empire's wrath.

"Matitikman mo rin ang impyerno, Thunder. At sisiguraduhin kong luluhod at luluha ka sa harapan ko," bulong ni Sabrina sa sarili.